تورکیه نینگ مطبوعات خلاصه لری

وطن گزیته سی: " جمهور باشلیغی ایردوغان: سونگگی 20 ییلده 164 ته موزیم نی قیته دن قوردیک" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان، توناون کونی استانبولده معمار سینان گوزه ل صنعتلر عالی بیلیم یورتی استانبول رسم و هیکل موزیمی آچیلیش مراسمیده گی صحبتیده " سونگگی 20 ییلده 164 ته موزیم نی قیته دن قوردیش، ینگیلشتیریش قیلدیک. اولکه میز مقیاسیده 56 ته موزیم نی ایلک مرته نمایشد اوچون آچرکن 18 ته موزیم نی قیته تیکلنگن بنالریگه تشیدیک" دیب ایتدی.

حریت گزیته سی:" چاووش اوغلی: تورکیه نینگ حق و منفعتلرینی سوریه دن لیبیاگچه قوریقلش مجبوریتیده میز" سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی فرانسه نینگ سترازبورگ شهریده توناون کونی تورک وطنداشلری بیلن اوچره شیب "اولویتیمیز تورکیه نینگ حق و منفعتلرینی سوریه دن لیبیاگچه قوریقلش مجبوریتیده میز" دیدی.       

صباح گزیته سی:" تورکیه نینگ آلمانگه صادراتی برچه زمانلرنینگ اینگ یوقاری سویه سیده" سرلوحه سی بیلن خبر بیردی.

خبرگه کوره تورکیه نینگ آلمانگه قیلگن صادراتی 2022 ییلی جنوری – سپتامبرده 10،6 فایز کوپه ییب 14 میلیاردگه ییتیب برچه زمانلرنینگ اینگ یوقاری سویه سیگه ییتدی.

ستار گزیته سی: " دنیا مقیاسیده اینگ یخشی قونلغه تورکیه ده! یولاوچی سانی 51 فایزگه کوتریلدی " سرلوحه سی بیلن خبر بیردی.

خبرگه کوره، دنیا مقیاسیده اینگ یخشی قونلغه ایتیب سیلنگن استانبول قونلغه سیده 47 میلیون 572 مینگ یولاوچی گه خذمت بیریلدی. ترانسپورت و آست قوریش وزیری عادل قاره اسماعیل اوغلی، جنوری – سپتامبرده ترانزیت یولاوچیلر بیلن بیر قطارده توپلم یولاوچی نینگ 51 فایز کوپه ییب 138 میلیون گه ییتگن لیگی بیلدیریلدی.  

یینی شفق گزیته سی: "معیوبلر ملی تیرمه جماعه سی دنیا مقیاسیده قهرمان بولدی" سرلوحه سی بیلن خبر بیردی.

خبرگه کوره، معیوبلر فوتبال ملی تیرمه جماعه سی 2022 دنیا کپ فاینل بیلله شوویده انگولانی 4-1 بیلن مغلوبیت گه اوچره تیب تاریخیده ایلک مرته مقیاسیده قهرمان بولدی. تورکیه ملی تیرمه جماعه سی نینگ گوللرینی عمر کولریوز، رحمی (2) و سرکان دره لی اوردی.