تورکیه نینگ مطبوعات خلاصه لری

خبرتورک گزیته سی: "ایردوغان: مقصدیمیز پوتین بیلن زلنسکی نی اوچره شتیریش " سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان تورکیه اوله راق روسیه – اوکراین اوروشی نینگ تینچلیک بیلن اداغگه ییتیب باریشی اوچون تورلی اورونیش آلیب بارگن لیکلرینی ایتدی. ایککی اولکه رهبری بیلن هم اوچره شوولر اوتکزگن لیگینی تاکییدله گن ایردوغان "مقصدیمیز روسیه دولت باشلیغی ویلادیمیر پوتین و اوکراین جمهور باشلیغی ویلادیمیز زلنسگی نی تورکیه اوچره شتیریب بحراننی بوتونله ی یوق قیلیش دیر" دیدی.  

وطن گزیته سی: "آقر: حبوبات سوقیاتی کیلگوسی کونلرده کوپراق بوله دی"  سرلوحه سی بیلن خبر بیردی.

خبرگه کوره اوکراین بندرلریدن حبوبات سوقیاتی دوام ایتماقده. ملی مدافعه وزیری خلوصی آقر 1 اگستدن بیری اوکراین بندرلریدن 721 مینگ 449 تن حبوبات سوقیاتی بولگن لیگینی بیلدیردی. آقر کیلگوسی کونلرده سوقیات نینگ تاباره کوپه ییب باره جگینی ایتدی.    

ستار گزیته سی:" بوریل حبوبات سوقیاتی تورکیه نینگ اورونیشی بیلن بولدی" سرلوحه سی بیلن خبر بیردی.

خبرگه کوره اروپا بیرلیگی تشقی علاقه و خوفسیزلیک پولیتیکالر یوکسک کمیشنری جوزیف بوریل تورکیه نینگ اورونیشیده اوکراین بندرلریدن حبوبات کوریدوری نینگ آچیلگن لیگینی ایتدی. بوریل بو حبوبات 20 میلیون تن. اگر دنیاده 20 میلیون تن حبوبات، گل آفتاب پرست توخته تیب قوییلگن بولسه بو بعضی بیرته لرنینگ آذیقلنمه ییشی معناسیگه کیله دی" دیدی.

یینی شفق گزیته سی: " آلمانلر ترابزونده چاره تاپدی"  سرلوحه سی بیلن خبر بیردی.

خبرگه کوره روسیه – اوکراین اورته سیده گی اوروش طفیلی اروپا کتته بیر انرژی قیینچیلیگی گه دوچ قالگن. اینیقسه قیش فصلیده آلمان و فرانسه کبی اولکه لرده طبیعی گاز معماسی یوز بیریشی کوتیلماقده. آلمانلر چاره نی ترابزونده تاپدی. برقی بخاری ایشلب چیقرگن شرکت اینیقسه اروپا اولکه لریدن کیلگن سفاریشلر کوپه ییشی طفیلی کونده لیک 300 ته بولگن تولیدنی 700 ته گه چیقردی. سویدن، هالند و فرانسه دن سفاریشلر کیلماقده.

حریت گزیته سی: "تورکیه گه کیلگن سیاح سانی 53 فایز کوپه یدی" سرلوحه سی بیلن خبر بیردی.

خبرگه کوره جولای آییده تورکیه گه کیلگن چیت ایللیک سیاح سانی اوتگن ییل نینگ خوددی شو آیی گه کوره 52،84 فایز کوپه ییب 6 میلیون 665 مینگ 129 ته بولدی. اینگ کوپ سیاح کیلگن اولکه لر آلمان 14،43 فایز بیلن بیرینچی، روسیه 11،12 فایز بیلن ایککینچی، انگلستان 8،19 فایز بیلن اوچونچی بولدی.