تورکیه نینگ مطبوعات خلاصه لری

حریت گزیته سی: "مدافعه وزیری آقر سوریه گه قره ته حربی عملیات بیلن تیگیشلی بیانات بیردی"  سرلوحه سی بیلن خبر بیردی.

خبرگه کوره ملی مدافعه وزیری خلوصی آقر سوریه نینگ شمالی گه قره ته احتمالی حربی عملیات بیلن تیگیشلی هر نرسه گه تیار ایکن لیکلرینی معلوم قیلیب "وقتی کیلگنده اجرا ایتیله دی" دیب بیانات بیردی.

صباح گزیته سی: " چاووش اوغلی یونان نی سونگگی مرته آگاهلنتیردی " سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی، آژه ده جایلشگن قورالسیز آراللرگه حربی جایلشتیریشی و قورال سوقیات قیلیشی گه تماس قیلیب "یونان ادعالریدن وازکیچمه گن تقدیرده آراللرنینگ خوفسیزلیگی تارتیشیله دی" دیدی. چاووش اوغلی حاکمیت تاتیشوولری نینگ هم باشله گن لیگینی هم تاکییدله دی.

وطن گزیته سی: " جمهور رئیسلیک سوزچیسی قلین ناتو باش کاتبی کابینه کمیشنری بیلن اوچره شدی."  سرلوحه سی بیلن خبر بیردی.

خبرگه کوره جمهور رئیسلیک سوزچیسی ابراهیم قلین، تشقی ایشلر وزیرلیگی اورینباسری صدات اونال توناون کونی ناتو باش کاتبی کابینه کمیشنری ستیئان جنسن بیلن پایتخت انقره ده اوچره شدی. اوچره شووده تورکیه نینگ ناتوگه قوشگن حصه سی، سویدن و فینلندنینگ ناتوگه اعضالیک مراجعه جریانلری بیلن بیر قطارده روسیه – اوکراین اوروشیده گی سونگگی ینگی لیکلر تیلگه آلیندی.

یینی شفق گزیته سی: " تورک چایی صادراتیدن 9،8 میلیون دالر عاید " سرلوحه سی بیلن خبر بیردی.

خبرگه کوره تورکیه دن جاری ییل نینگ جنوری – می آیلریده بولگن چای صادراتی 15 فایز کوپه ییب 9 میلیون 801 مینگ 535 دالرگه ییتدی.         

ستار گزیته سی: " 23- خلق ارا ت ر ت مستند فلم مکافاتلری مراسمی اداغگه ییتدی"  سرلوحه سی بیلن خبر بیردی.

خبرگه کوره ت ر ت تامانیدن بو ییل 13 – سی اجرا ایتیلگن «خلق ارا ت ر ت مکافاتلری» مراسمی ادغگه ییتدی.

دنیانینگ تورلی منطقه لریدن انچه اهمیتلی مستند فلملرگه میزبانلیک قیلگن لیکلرینی تیلگه آلگن ت ر ت باشلیغی محمد زاهد سوباجی "اولکه میز گلوبال عدالت اوچون کتته کوره ش آلیب بارماقده. بیز هم مستند فلملریمیز ارقه لی دنیا توناون و بوگونگی کونده دوچ قالگن عدالتسیزلیکلرنی نمایان قیلماقده میز، شونده ی بولیب انسانی یانداشوونی اولویت گه قویه میز" دیدی.