تورکیه نینگ مطبوعات خلاصه لری

صباح گزیته سی: "ایردوغان : تورکیه فضا بیلله شوویده بیرینچی قطارده بوله دی"  سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان لیسه لیک یاشلرگه خطاب قیلیب "سویگیلی یاشلر، بیز فضا بیلله شوویده بوله میز، همده بیرینچی قطارلرده بوله میز" دیدی. فضا بیلله شووینی تکنوفیست نسلی آرقه لی قولگه کیریته جکلرینی تیلگه آلگن ایردوغان بو توغریده گی آست قوریش تیارگرلیکلری نینگ دوام ایتیب تورگن لیگینی تاکییدله دی.  

ستار گزیته سی: " تورکیه امریکا قوشمه ایالتلرینی سوریه بیلن تیگیشلی قولاق سالمه دی" سرلوحه سی بیلن خبر بیردی.

خبرگه کوره تشقی ایشلر وزیری اورینباسری بویوک ایلچی سدات اونال امریکا قوشمه ایالتلری نینگ بیرلشگن ملتلر تشکیلاتی دایمی نماینده سی لیندا توماس گرینفیلدگه بولووچی ترور تشکیلاتی پی کاکا/وای پی جی/ پی وای دی نینگ فقط سوریه نینگ توپراق بوتونلی گه ایمس، تورکیه نینگ ملی خوفسیزلیگی گه هم تهدید ایکن لیگینی بیلدیردی. اونال تورکیه نینگ ترور تشکیلاتلریگه قرشی تدبیر آلیش گه دوام ایته جگینی ایتدی.   

حریت گزیته سی: "ستولتنبرگ تورکیه نینگ خواطلرینی تیلگه آلشیمیز کیره ک"  سرلوحه سی بیلن خبر بیردی.

خبرگه کوره ناتو باش کاتبی ینس ستولتنبرگ تورکیه نینگ (تروریزم گه بیرگن کمکلری باعث) سویدن و فینلند نینگ ناتوگه اعضالیگی بولگن ناراضیچیلیگینی امریکا قوشمه ایالتلری دولت باشلیغی جوبایدن بیلن تیلگه آلدی. اوچره شوودن کیین بیانات بیرگن ستولتنبرگ "بیر ناتو متفقی بولمیش تورکیه بعضی بیر خواطلرینی تیلگه آلگنده ناتونینگ ایچیده گپیریب مشترک بیر یول تاپیشیمیز کیره ک" دیدی.      

یینی شفق گزیته سی: " ملیزیا: چیگره خوفسیزلیگی بوییچه اورگنیله دیگن یگانه مملکت تورکیه دیر" سرلوحه سی بیلن خبر بیردی.

خبرگه کوره ملیزیا ایچکی ایشلر وزیری همزه ذین الدین "تورکیه نینگ چیگره باشقروویده گی چاره – تدبیرلریدن الهام آلیب اوز کنترول مرکزیمیزنی قورماقچی میز. شونده ی بولیب تورکیه نینگ چیگره ده مهم مرکزلری بولگن لیگینی کوردیک. سایبر جرملرگه قرشی قنداغ کوره ش آلیب باریشنی، چیگره لرنی قوریقلشنی و باشقریش نی اینگ یخشی شکلده تورکیه ده اورگنیب آله میز" دیب ایتدی.      

وطن گزیته سی: "تورکیش کارگو اینگ کوپ رواجلنگن هوا کارگوسی بولدی"  سرلوحه سی بیلن خبر بیردی.

خبرگه کوره تورک هوا یوللری نینگ هوا کارگو شرکتی بولمیش تورکیش کارگو ستات ترادی تایمز مجله سی تامانیدن اویوشتیریلگن مراسمده 2022 ییلی نینگ اینگ کوپ رواجلنگن خلق ارا کارگو هوا یولی مکافاتی بیریلدی.