تورکیه مطبوعاتیدن خلاصه 31.05.2022

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, ایکونومیست مجله سی گه یازگن متنیده, تروریزم نی قوللب – قوتلیاتگن فنلاند و سویدن نینگ ناتو گه اعضا ایتیب قیلینیشی نینگ 'ریسکلی' ایکن لیگی نی بیلدیرگن لیگی نی معلوم قیلماقده. 

خبرده, اردوغان نینگ, "سویدن و فنلاند نینگ متفق بولیش نی آرزو قیلیاتگن دولت لرنینگ خوفسیزلیک بوییچه خواطر لری حقیده گی حساسیت لری تورکیه نینگ هم اوشبو اولکه لرنی قنچه لیک متفق صفتیده کوریش نی ایسته یاتگن لیگی نی انیقله یدی" دییه قید ایتگن لیگی گه دقت قره تیلماقده. 

حریت روزنامه سی, تورکیه جمهوریتی جمهوررئیسی رجب طیب اردوغان نینگ, تلفن آرقه لی, روسیه جمهوررئیسی ولادیمیر پوتین و اوکراین جمهوررئیسی ولادیمیر زلنسکی بیلن سوزله شگن لیگی نی بیلدیرماقده.  

خبرده, اوشبو صحبت لرده, ایکّی تامانلمه مناسبت لر, روسیه- اوکراین اوروشی داخل منطقه مقیاسیده گی مسئله لر و خلق ارا مقیاسده گی غذایی مواد بوییچه قیین چیلیک لر باره سیده بحث ایتیلگن لیگی ایسله تیلماقده. 

وطن روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ, تلفن آرقه لی, امریکا قوشمه ایالتلری ملی خوفسیزلیک مصلحتچیسی جیک سالیوان بیلن سوزلشگن لیگی نی یازماقده. 

خبرده, اوشبو صحبتده, بولووچی ترور تشکیلاتی پ.ک.ک-پی وای دی- وای پی جی نینگ تورکیه نینگ ملی خوفسیزلیگی و سوریه نینگ توپراق بوتونلیگی گه تهدید بولیش گه دوام ایتیاتگن لیگی نینگ بیلدیریلگن لیگی معلوم قیلینماقده. 

روزنامه, صحبتده, تورکیه نینگ قاطعیت بیلن تروریزم گه قرشی کوره شیاتگن لیگی نینگ بیلدیریلگن لیگی نی ایسلتماقده. 

صباح روزنامه سی, تورکیه جمهوریتی جمهوررئیسی رجب طیب اردوغان نینگ, سوریه ده ترورچی لر گه قرشی ینگی بیر حربی عملیات باره سیده بحث ایتیشی آرتیدن بشار الاسد تیزیمی گه مخالف تامان لردن حمایت پیام لری کیلگن لیگی نی معلوم قیلماقده. 

خبرده, سوریه ملی اردوسی نینگ, "تورک اردوسی بیلن همکارلیک قیله دیگن مینگلب جنگچی میز موجود" دییه قید ایتگن لیگی گه دقت قره تیلماقده. 

ستار روزنامه سی, تورکیه جمهوریتی انرژی و طبیعی منبع لر وزیری فاتح دونمز نینگ,  تورکیه نینگ شمال انرژی سی بوییچه اینگ مهم اولکه لر دن بیری بولیاتگن لیگی نی بیلدیرگن لیگی نی یازماقده. 

خبرده, دونمز نینگ, "تورکیه ده ایشلب چیقاریلگن" دیب یازیلگن توربین لرنینگ دنیا نینگ هر تامانیده شمال انرژی سی نینگ تولیدی بوییچه استفاده ایتیلیاتگن لیگی نی بیلدیرگن لیگی گه دقت قره تیلماقده.