تورکیه نینگ مطبوعات خلاصه لری

ستار گزیته سی: " ایردوغان تورکیه هیچ بیر وقت مظلوم گه آرقه سینی اوگیرمه دی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان جمهور رئیسلیک مجتمعیده اوتکزیلگن یوکسک استشاره کینگشی جلسه سیده قیلگن صحبتیده تورکیه نینگ اوتمیش تاریخده هم بوگونگی کونده هم چیگره لریگه ییتیب کیلگن و توپراقلریگه سیغینگن هیچ بیر مظلومگه آرقه سینی اوگیرمه گن لیگینی ایتدی.      

حریت گزیته سی: "اویلریگه قیتیب بارگن سوریه لیکلرنینگ سانی 500 مینگدن آشدی"  سرلوحه سی بیلن خبر بیردی.

خبرگه کوره جمهور باشلیغی ایردوغان سوریه نینگ شمالیده تورکیه تامانیدن خوفسیزلیگی تامین ایتیلگن منطقه لرگه قیتیب بارگنلرنینگ سانی نینگ 500 مینگ نی آشگن لیگینی ایتدی. ایردوغان بو منطقه لرده خلق ارا مادی همکارلیکلر بیلن قیته قوریله دیگن ینگی مسکونی جایلر بیلن انچه سوریه لیک نینگ اویلریگه قیتیب باریشینی تامین ایته جکلرینی بیلدیردی.

یینی شفق گزیته سی: "حربی عملیات تیارگرلیکلری یکونلندی"  سرلوحه سی بیلن خبر بیردی.

خبرگه کوره سوریه نینگ شمالیده خوفسیز منطقه ایجاد ایتیش اوچون 2016 ییلیدن بیری 4 ته کتته حربی عملیات اویوشتیرگن تورکیه 5 – حربی عملیات نینگ تیارگرلیگینی قیلدی. جمهور باشلیغی رجب طیب ایردوغان تامانیدن اشاره قیلینگن ینگی حربی عملیات نینگ مقصدی ترور تشکیلاتی پی کاکا/وای پی جی نینگ اشغالی آستیده گی تل رفات، عین العرب، عین العیسی و منبجدن عبارت.

خبر تورک گزیته سی: " ستولتنبرگ: تورکیه برچه متفقلر اوچون جوده مهم" سرلوحه سی بیلن خبر بیردی.

خبرگه کوره ناتو باش کاتبی ینس ستولتنبرگ تورکیه نینگ جغرافی و ستراتیژیک جهتدن کلیدی، برچه متفقلر اوچون ایسه مهم بیر اولکه ایکن لیگینی معلوم قیلیب "تورکیه تروریستیک هجوملریدن اینگ کوپ ضرر کورگن اولکه دیر. ناتو ایچیده هربیر متفق اولکه دن انچه کوپ" دیدی.     

صباح گزیته سی: "چاووش اوغلی فلسطین نینگ یانیده بولیش گه دوام ایته میز"  سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی فلسطین گه یاردم بیریش نینگ تورکیه اوچون اولویت گه بولیش گه دوام ایته جگینی بیلدیردی. تورکیه نینگ فلسطین دعواسیدن اینگ کوپ مدافعه قیلگن دولت ایکن لیگینی تاکییدله گن چاووش اوغلی "علاقه میز و حاکم بیر دولت بولیش کوره شیده فلسطینلیک قرداشلریمیزنینگ یانیده بولیش گه دوام ایته میز" دیدی.