تورکیه نینگ مطبوعات خلاصه لری

ستار گزیته‌سی: ایردوغان فلسطیننی قوللب – قوتله دی: دایم یانینگیزده میز سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان فلسطین دولت باشلیغی محمود عباس بیلن تیلفون آرقه لی سوزلشدی. اجتماعی ترماق آرقه لی بیانات بیرگن ایردوغان "اسرائیل نینگ مسجد اقصی ده عبادت قیلگنلرگه مداخله لرینی قتِق قاره له گن لیگینی و مسجد اقصی نینگ مقدس لیگی گه تهدید و تحریکلر قرشیسیده توره جگیمیزنی حرمتلی عباس گه ایتدیم. تورکیه هردایم فلسطین نینگ یانیده دیر" دیب ایتدی.

صباح گزیته‌سی: "استانبول جریانینی برچه نینگ قوللب – قوتلشی کیره ک" سرلوحه سی بیلن خبر بیردی.

   خبرگه کوره جمهور باشلیغی ایردوغان بیرلشگن ملتلر تشکیلاتی باش کاتبی انتونی گوترز بیلن تیلفون آرقه لی سوزلشدی. سوزلشووده بیت المقدسده یوز بیرگن حادثه لر و اوکراین – روسیه اوروشی قاله ویرسه منطقوی ینگیلیکلرنی تیلگه آلیندی. ایردوغان سوزلشووده اوکراین توغریسیده استانبول جریانی نینگ قوللب – قوتلنیشی کیره ک لیگینی تاکییدله دی.

حریت گزیته‌سی: روسیه ایردوغان نینگ طلبینی بجا کیلتیردی سرلوحه سی بیلن خبر بیردی.

خبرگه کوره روسیه مدافعه وزیرلیگی سوزچیسی ایگور کوناشینکوف جمهور باشلیغی ایردوغان نینگ طلبی گه بناً ماریپولده گی مسجدده قالگن لرنینگ قوتقریب آلینگن لیگینی و خوفسیز بیر منطقه گه انتقال بیریلگن لیگینی بیلدیردی. 

یینی شفق گزیته‌سی: بیراقدار ت ب2 فرانسه نینگ تعقیبیده سرلوحه سی بیلن خبر بیردی.

 خبرگه کوره فرانسیز اردوسی نینگ کیلگوسیده "قتِق توقنه شوولرده" ناموفق بولمه یشی اوچون سناده بیراقدار ت ب2 گه اوخشش قوراللی هیداوچیسیز هوا واسطه سی تولید قیلیش اوچون فکر بیلدیردی.

وطن گزیته‌سی: انتالیاگه توریست آقین قیلدی سرلوحه سی بیلن خبر بیردی.

خبرگه کوره 2020 ییلیده پسکالیا تعطیلینی هم اوز ایچی گه الگن اپریل آییده شهرگه 905 کیشی کیلرکن بیراق 2022 ییلیده اپریل آیی توگه مه ی 300 مینگ گه ییتدی. انتالیا شهر کینگشی توریزم فعالیت گروهی باشلیغی رجب یاووز 2021 ییلی اپریل آییده گی توپلم توریست سانی نینگ ایسه 178 مینگ ایکن لیگینی ایسله تیب "جاری ییل 1-15 اپریلده اوتگن ییل نی ایککی قواتی گه بارگن وضعیتده. آی نینگ سونگگیده 600 مینگ و اوتگن ییل اپریل آییدن تورت قوات کوپ بولیشینی امید قیله میز" دیدی.