تورکیه نینگ مطبوعات خلاصه لری

تورکیه نینگ مطبوعات خلاصه لری   

یینی شفق گزیته ‌سی: "استانبولده آتیلگن آدیملر میدانده عملی بولدی " سرلوحه سی بیلن خبر بیردی.

خبرگه کوره آلدینگی کونی تورکیه ده اوتکزیلگن روسیه – اوکراین مذاکره لریدن اولیملی قرارلر چیقرکن روسیه اوکراینده بعضی بیر منطقه لرده گی حربی موجودیتینی چیقریش قرارینی قبول قیلیب آلدی. چرنوبیلده گی اردوسینی چیقرگن مسکو باشقرووی ملکی تخلیه اوچون هم ماریپول شهریده آتشکیسین ایتیب اعلان قیلدی.  

حریت گزیته ‌سی: " لاوروفدن امیدلنتیرووچی پیام" سرلوحه سی بیلن خبر بیردی.

خبرگه کوره روسیه تشقی ایشلر وزیری سرگی لاوروف روسیه – اوکراین هیئاتلری اورته سیده تورکیه ده بولیب اوتگن مذاکره لرنی اولمیلی آلغه باریش دیب اته گن لیکلرینی ایتدی. لاوروف اوکراینلیک مذاکره چیلرنینگ اولکه لری نینگ هسته ای سیز اورین و ناتو چوکاتیدن تشقریسیده خوفسیزلیگینی تامین ایتیشی کیره ک لیگینی تاکییدلشینی مهم بیر آلغه باریش دیب اته دی. 

ستار گزیته سی: "بیرلشگن ملتلر تشکیلاتیدن تورکیه گه منتدارچیلیک" سرلوحه سی بیلن خبر بیردی.

خبرگه کوره بیرلشگن ملتلر تشکیلاتی تورکیه گه اوکراینده تینچلیک نینگ تامین ایتیلیشی اوچون آلیب بارگن اورونیشلری باعث منتدارچیلیک بیلدیردی. بیرلشگن ملتلر تشکیلاتی باش منشیسی سوزچیسی ستفان دوجاریک روسیه – اوکراین اوروشی نینگ اداغگه ییتیب باریشی اوچون آلیب باریلگن اوچره شوولرنی قوللب – قوتلش گه دوام ایته جکلرینی و اوچره شوولرگه یوتوق قولگه کیریتیلیشینی امید ایتگن لیکلرینی معلوم قیلیب تورکیه گه اورونیشلری باعث منتدارمیز" دیدی.

وطن گزیته ‌سی: " تورکیه نینگ A400M کمچیلیگی تولدی" سرلوحه سی بیلن خبر بیردی.

خبرگه کوره تورکیه قوراللی کوچلری نینگ تاکتیک و ترانسپورت ظرفیتینی کوپه یتیرووچی A400M کمچیلیگی برطرف بولدی. تورکیه تولیدیده شریک بولگن A400M پروژه سی چوکاتیده ایشلب چیقریلگن 10 نچی و سونگگی حربی ترانسپورت اوچاغی قطارگه کیریتیلدی. 

خبر تورک گزیته ‌سی: " طها آق گل 9 – مرته اروپاده قهرمان بولدی" سرلوحه سی بیلن خبر بیردی.

خبرگه کوره المپیاد قهرمانی ملی گوره شچی طها آق گل ینه میدال آلدی و 9 – مرته آلتین میدالنی هنگریده قولگه کیریتدی. اروپاده قهرمان بولدی .

125 کیلوده بیللشگن طها آق گل گرجی رقیبی گنو پترفاشیلی گه قرشی 5-2 بیلن غلبه قازانیب اروپاده قهرمان بولدی.