تورکیه نینگ مطبوعات خلاصه لری

حریت گزیته سی: جمهور باشلیغی ایردوغان دیپلوماسینی تاکییدله دی سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان توناون کونی بیرگن بیاناتده روسیه – اوکراین اورته سیده گی اوروش نینگ یگانه یولی نینگ دیپلوماسی ایکن لیگینی تاکییدله دی.

خبرتورک گزیته سی: تشقی ایشلر وزیری چاووش اوغلیدن اسلام عالمی گه "بیرلیک بولیش" چقیریغی سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی توناون کونی اسلام همکارلیک تشکیلاتی 48 – تشقی ایشلر وزیرلری کینگشی جلسه سیده قیلگن صحبتده "امت بولیب بیرلیک بولسک قرشیمیزگه چیققن هر توسیق نی برطرف ایته میز" دیدی.

ستار گزیته سی: دستلبکی اوق اوزیش مدافعه وزیری آقر تامانیدن: ملی تورپیدو بیلن انیق نشان آلیش سرلوحه سی بیلن خبر بیردی.

خبرگه کوره ملی امکانیتلر بیلن ایشلب چیقریلگن آقیا تورپیدوسی تیزیمی آرقه لی ائوتکزیلگن اوق اوزیش عملگه آشیریلدی. ملی مدافعه وزیری خلوصی آقر تامانیدن عملگه آشیریلگن اوق اوزیش انیق نشان الیب اوریلدی.   

صباح گزیته‌سی: یاووز بورغولش کیمه سی 4 اپریلده حساس وظیفه اوچون تیار سرلوحه سی بیلن خبر بیردی.

خبرگه کوره انرژی و طبیعی منبعلر وزیری فاتح دونمز یاووز بورغولش کیمه سی 4 اپریلده قاره دینگیزده جوده حساس وظیفه گه چیقیشیدن خبر بیردی.

یینی شفق گزیته سی: تورکیه ایککی آیده 36 اولکه گه عسل صادر قیلدی سرلوحه سی بیلن خبر بیردی.

خبرگه کوره تورکیه دن جنوری، فبروری آیلریده 36 اولکه گه 7 میلیون 131 مینگ 895 دالرلیک بال ساتیلدی.