تورکیه نینگ مطبوعات خلاصه لری

وطن گزیته سی: ایردوغان ناتو جلسه سیگه قتنشه دی سرلوحه سی بیلن خبر بیردی.

خبرگه کوره تورکیه دولتی روسیه - اوکراین اورته سیده تینچلیک نی تامین ایتیش اوچون دیپلوماسی اوچره شوولریگه دوام ایتماقده. جمهور باشلیغی رجب طیب ایردوغان اوروش نینگ آرتیدن یوز بیرگنلرنی بهالندیریش اوچون 24 مارچ کونی بروکسلده گی ناتو جلسه سیگه قتنشه دی.

حریت گزیته سی: چاووش اوغلی تامانلر کیلیشووگه یقین" سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی روسیه و اوکراین نینگ آتشکیسین اوچون بعضی بیر عملی موضوعلر توغریسیده اوچره شوولر آلیب بارگن لیگینی معلوم قیلیب "تامانلرنینگ اساسی موضوعلرده کیلیشووگه یقین ایکن لیگینی کوره یاپمیز. تینچ اهالی اولگن حالده کیلیشوو اونچه لیک آسان بولمه یدی. ینه هم یقین بولدی" دیدی.

یینی شفق گزیته سی: بیراقدار اوچون تیارلنگن اشوله برچه نینگ تیلیده سرلوحه سی بیلن خبر بیردی.

خبرگه کوره روس اردوسیگه کتته ضربه اورگن بیراقدار ت ب2 لر اوکیراینلیکلرنینگ اوروش قهرمانی وضعیتی گه ایلندی. اوکراینلیک موسیقیدان متقاعد بیر صاحب منصب تراس بورواک تامانیدن بیراقدار اوچون توزیلگن اشوله نی برچه اوقیماقده.

ستار گزیته‌سی: تورکیه تاریخی ریکارد اورنه تدی سرلوحه سی بیلن خبر بیردی.

خبرگه کوره تورکیه اینگ ییریک بازاری بولمیش آلمان گه صادرات بوییچه ریکارد اورنه تدی. تورکیه نینگ آلمانگه صادراتی فبروری آییده اوتگن ییل نینگ خوددی شو باسقیچی گه کوره 21،4 فایز کوپه ییب 1 میلیارد 644 میلیون 24 مینگ دالرگه چیقیب ریکارد اورنه تدی.

صباح گزیته سی: امریکانینگ اینگ معتبر مکافاتی بیر تورک که بیریلدی سرلوحه سی بیلن خبر بیردی.

خبرگه کوره امریکا قوشمه ایالتلریده تنیقلی پیزه زنیجیری بولمیش چمپیون پیزه نینگ ایگه سی حقی آقدینگیز اولکه نینگ اینگ معتبر مکافاتلری آره سیده کورستیلگن پوئینتس اوف لایت مکافاتینی قولگه کیریتدی.