تورکیه نینگ مطبوعات خلاصه لری

تورکیه نینگ مطبوعات خلاصه لری   

ستار گزیته ‌سی: "ایردوغان بایدن بیلن سوزلشدی " سرلوحه سی بیلن خبر بیردی.

خبرگه کوره جمهوررئیسی رجب طیب اردوغان, تلفن آرقه لی, امریکا قوشمه ایالتلری دولت رهبری جو بایدن بیلن سوزله شدی. جمهوررئیسلیک ارتباط لر ریاستی تامانیدن بیریلگن بیاناتده, صحبتده, روسیه نینگ اوکراین گه هجومی داخل, منطقه مقیاسیده گی ینگیلیک لر و تورکیه بیلن امریکا اورته سیده گی مناسبت لر باره سیده بحث ایتیلگن لیگی بیلدیریلدی. 

حریت گزیته ‌سی: " جمهور باشلیغی ایردوغان بیلن علی یف اوکراین توغریسیده اوچره شدی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان توناون کونی آذربایجان جمهور باشلیغی الهام علی یف بیلن چانقایا کوشکیده اوچره شوو اوتکزدی. ایردوغان بیلن علی یف منطقه ده یوز بیرگن ینگی لیکلر قاله ویرسه اوکراین اوروشینی هم تیلگه آلدی.

وطن گزیته سی: "تشقی ایشلر وزیری چاووش اوغلی: کینگ – کولملی بیر تینچلیک کیلیشووی میزده" سرلوحه سی بیلن خبر بیردی.

خبرگه کوره تورکیه نینگ واسطه چیلیگی بیلن توناون کونی انتالیاده اویوشتیریلگن روسیه – اوکراین تینچلیک جلسه سی نینگ آرتیدن بیانات بیرگن تشقی ایشلر وزیری مولود چاووش اوغلی " کینگ – کولملی بیر تینچلیک کیلیشووی میزده. شونده ی بولیب اوکراین نینگ بعضی بیر اولکه لرنینگ ضامن اوله راق بو جایده بولیشینی خواهله گن لیگینی بیله میز. بولردن بیرته سی تورکیه دیر" دیب ایتدی.

صباح گزیته ‌سی: " تورکیه نینگ فضا سکتوریده گی سرمایه کیریتیشلری مدافعه صنایعی گه هم حصه قوشه دی" سرلوحه سی بیلن خبر بیردی.

خبرگه کوره تورکیه فضا آژانسی باشلیغی سردار حسین ییلدیریم فضا سکتوریده گی سرمایه کیریتیشلری نینگ مدافعه صنایعی گه هم حصه قوشه جگینی ایتدی. ییلدیریم "آیگه کیتیش نینگ بیزگه قوشه دیگن تکنالوجیک یوتوقلر جوده مهم و تورکیه نی کوتره دیگن بیر ایش" دیدی.

خبر تورک گزیته ‌سی: " ایشسیزلیک راپوری اعلان قیلیندی" سرلوحه سی بیلن خبر بیردی.

خبرگه کوره تورکیه استاتستیک باشقرووی جنوری آیی ایش کوچی راپورینی اعلان قیلدی. شونده ی بولیب ایشسیزلیک جنوری آییده 11.4 بولدی.