تورکیه نینگ مطبوعات خلاصه لری

وطن گزیته سی: اوکتای: آتشکیسین تامین ایتیلیشی اوچون اورونماقده میز  سرلوحه سی بیلن خبر بیردی.

خبرگه کوره جمهور باشلیغی اورینباسری فواد اوکتای "اوکراینده آتشکیسین تامین ایتیلیشی، انسانی کوریدورلرنینگ آچیلیشی و مذاکره لرنینگ تینچلیک بیلن نتیجه لنیشی اوچون اورونماقده میز. آتشکیسین چقیریمیزنی تکرار قیلیش گه، منطقه میزگه تینچلیک و برقرارلیک اوچون هرتامانلمه دیپلوماتیک اورونیشلریمیزگه دوام ایته میز" دیدی.

حریت گزیته سی: انتالیاده اوچ تامانلیک جلسه 10 مارچده سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی اوکراین – روسیه اوروشی بیلن تیگیشلی بیرگن بیاناتده دیپلوماتیک آدیملرنینگ نتیجه بیرگن لیگینی بیلدیردی. چاووش اوغلی روسیه تشقی ایشلر وزیری سرگی لاوروف و اوکراین تشقی ایشلر وزیری دیمیترو کولبا بیلن پنجشنبه کونی انتالیاگه اوچره شوو اوتکزه جکلرینی معلوم قیلدی.

ستار گزیته‌سی: پوتین رهبرلردن اینگ کوپ ایردوغانگه قونغراق قیلماقده سرلوحه سی بیلن خبر بیردی.

خبرگه کوره مرکزی فرانسه ده بولمیش نشرات ارگانی فرانسه 24 اوکراین بحرانیده تورکیه – روسیه دیالوگینی بهالندیردی. خبرچی جسپیر مورتیمر روسیه دولت باشلیغی ویلادیمیر پوتین نینگ جمهور باشلیغی رجب طیب ایردوغان گه دنیاده گی ایریم رهبرلرگه کوره کوپراق قونغراق قیلگن لیگینی ایتدی.    

یینی شفق گزیته سی: یونان باش وزیری میچوتاکیس تورکیه گه کیله دی سرلوحه سی بیلن خبر بیردی.

خبرگه کوره یونان باش وزیری کیریاکوس میچوتاکیس نینگ یکشنبه کونی تورکیه گه سفر قیلیب کیله جگی و جمهور باشلیغی رجب طیب ایردوغان تامانیدن قبول بولیب اوچره شوو اوتکزه جگی بیلدیریلدی.

صباح گزیته سی: تورک هوا یوللریدن اوکراین و مولدووا اوچیشلری بیلن تیگیشلی بیانات سرلوحه سی بیلن خبر بیردی.

خبرگه کوره تورک هوا یوللری روسیه نینگ هجوملری باعث اوکراین هوا ساحه سی نینگ ملکی اوچیشلرگه یاپیب قوییلیشی باعث اوکراین و مولدووا اوچون قبول قیلیب آلگن توخته تیش قرارینی 22 مارچ گچه اوزه یتیردی.