تورکیه نینگ مطبوعات خلاصه لری

تورکیه نینگ مطبوعات خلاصه لری   

حریت گزیته ‌سی: "ایردوغان: بحران نی تینچلیک اصولی بیلن برطرف ایتیلیشی گه ایشانه میز " سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان توناون کونی اوکراین دولت باشلیغی ویلادیمیر زلنسکی بیلن اویوشتیرگن مطبوعاتی کنفرانسده اوکراین – روسیه بحرانینی تیلگه آلیب "اوکراین نینگ توپراق بوتونلیگی و خلق ارا حقوق اساسیده مینسک کیلیشووی دایره سیده تینچلیک اصولی بیلن برطرف ایتیلیشی گه صمیمی بیر شکلده ایشانه میز" دیدی.

ستار گزیته ‌سی: " فرانسیز مطبوعاتی یازدی: جمهور باشلیغی ایردوغان موفق بولگنده کوچی تاباره کوپه یه دی " سرلوحه سی بیلن خبر بیردی.

خبرگه کوره تورکیه، اوکراین – روسیه بحرانی گه ییچیم تاپیش اوچون واسطه چیلیک قیلرکن فررانسه 24 جمهور باشلیغی ایردوغان نینگ موفق بولگن تقدیرده ناتوده گی کوچی نینگ تاباره کوچه ییشینی یازدی.      

خبر تورک گزیته سی: "تورکیه – ارمنستان نورماللشوو جریانیده ایککینچی اوچره شوو 24 فبروریده" سرلوحه سی بیلن خبر بیردی.

خبرگه کوره تشقی ایشلر وزیرلیگی تورکیه – ارمنستان اورته سیده گی نورماللشوو جریانی دایره سیده ایککی اولکه نینگ فوق العاده نماینده لری اورته سیده گی ایککینچی اوچره شوونینگ 24 فبروریده اتریش نینگ پایتختی وینده بولیب اوتیشیدن خبر بیردی.

وطن گزیته ‌سی: "قاره دینگیز گازی بیلن تیگیشلی سیوینچلی خبر" سرلوحه سی بیلن خبر بیردی.

خبرگه کوره تورکیه نفت سهامی شرکتی قاره دینگیزده جایلشگن سکاریا گاز ساحه سیده گی تورکالی-1 تثبیت قودوغیده برچه تیستلری نینگ یوتوقلی عملگه آشیریلگن لیگینی بیلدیردی.

صباح گزیته ‌سی: "انتالیانینگ جنوری آیی توریزیمی 178 فایز کوپه یدی سرلوحه سی بیلن خبر بیردی.

خبرگه کوره انتالیاگه جاری ییل جنوری آییده کیلگن توریست سانی اوتگن ییل نینگ خوددی شو دوریگه کوره 178 فایز کوپه ییب 138 مینگ 604 بولدی.