تورکیه نینگ مطبوعات خلاصه لری

تورکیه نینگ مطبوعات خلاصه لری   

حریت گزیته ‌سی: "ایردوغان: تورکیه کیلجک که بوندن ایشانچلی قره یدی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان رواجلنگن دیب اتلگن اولکه لرنینگ انچه سی نینگ ینگی تور کروناویروس (کوید-19) کسل لیگی جریانیده ناموفق بولگن لیگینی تورکیه نینگ ایسه تاریخ نینگ اینگ کوپ تولید و صادرات قیلگن لیگینی بیلدیردی. ایردوغان تورکیه ایندی تعیین قیلووچی اولکه لر قطاریگه اورین آلماقده دیر. ایندی کیلجک که بوندن ایشانچلی، امید بیلن قره یدی، دیدی.

 ستار گزیته ‌سی: " شرقی اورته ییر دینگیزیده سوز ایگه سی تورکیه " سرلوحه سی بیلن خبر بیردی.

خبرگه کوره شمالی قبرس تورک جمهوریتی جمهور باشلیغی ایرسین تاتار "شرقی اورته ییر دینگیزیده اینگ کوچلی و کتته ظرفیت اوله راق کیلجکده سوز صاحبی بوله دیگن اولکه تورکیه دیر، دیدی. تورکیه اره لشمه گن هیچ بیر توازنده تینچلیک نینگ دوام ایتیشی نینگ ممکن ایمس ایکن لیگینی اورغوله گن تاتار تورکیه هر دایم او جایده (شرقی اورته ییر دینگیز) بوله دی، دیب افاده ایتدی.    

وطن گزیته سی: "انچه اولکه تورک سیهالریدن طلب ایتماقده" سرلوحه سی بیلن خبر بیردی.

خبرگه کوره مدافعه صنایعی باشلیغی اسماعیل دیمیر دوست و متفق دولتلرنینگ اردوسیده اورنینی آلگن تورک مدافعه صنایعی محصوللری نینگ دنیانینگ هر تامانی گه صادر قیلینگن لیگینی اینیقسه تورک قوراللی هیداوچیسیز هوا واسطه لری نینگ توازننی اوزگرتیرگن خاصیتی نینگ دنیانینگ کون ترتیبی گه کیرگن لیگینی بیلدیردی. دیمیر مدافعه صنایعی محصوللریمیزنی صادر قیلگن اولکه سانی 170 گه ایها و سیهالر ییر واسطه لری، دینگیز واسطه لری قاله ویرسه صادر قیلینگن محصول توری 228 گه چیقدی، دیدی.    

خبرتورک گزیته ‌سی: "تورکیه 2021 ییلیده 30 میلیوندن آرتیق سیاح گه میزبانلیک قیلدی" سرلوحه سی بیلن خبر بیردی.

خبرگه کوره تورکیه 2021 ییلیده آلدینگی ییلگه کوره 88،08 فایز کوپه ییب توپلم 30 میلیون 38 مینگ 961 سیاح گه میزبانلیک قیلدی. تورکیه نینگ 2021 ییلی توریزم عایدی ایسه 103،02 فایز کوپه ییب توپلم 24 میلیارد 482 مینگ 332 مینگ دالر بولدی.  

صباح گزیته ‌سی: "تورکیه دنیانینگ تولید مرکزی بوله دی سرلوحه سی بیلن خبر بیردی.

خبرگه کوره جمهور رئیسلیک و صنایع وزیرلیگی ینگی اقتصادی پروگرام نینگ تولید ترماغی نینگ بوندن کوچه یتیریلیشی تورکیه نینگ دنیانینگ تولید مرکزلریدن بیرته سی وضعیتی په کیلتیریش اوچون مهم بیر فعالیت باشله تدی. تیارلنگن قانون لایحه سی بیلن حلی هم تورکیه ده سانی 22 گه بارگن صنایع منطقه لریگه کتته تشویق بیریله دی، سرمایه کیریتیش و فند آسان بوله دی. تورکیه نینگ اتوموبیل تولید گروهی کبی ستراتیژیک سرمایه کیریتیش یگانه صنایع منطقه سی بوله دی.