تورکیه مطبوعاتیدن خلاصه لر 05.01.2022

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, اقتصاد ساحه سی بوییچه عملگه آشیریلگن فعالیت لر توغریسیده بیرگن بیاناتیده, "اینگ یمان کونلر آرتده قالدی.  ایندی هدف لری میز گه باسقیچ مه باسقیچ یقینله شیاتگن لیگی میز نی کورسه تیش نینگ وقتی کیلدی.  اقتصادی برنامه اعلان قیلدیک.  اوشبو برنامه دایره سیده دالر نینگ ارزشی نی توشیرگن ایدی.  تورم ده گی قیین چیلیک لر نی هم ییچیب اولکه میزنی اوشبو وضعیت دن نجات بیره میز" دییه قید ایتگن لیگی نی بیلدیرماقده. 

حریت روزنامه سی, تورکیه جمهوریتی انرژی و طبیعی منبع لر وزیری فاتح دونمز نینگ, میلادی 2021- ییل نینگ انرژی و معدنچیلیک سکتوری جهتی دن موفقیت لردن تولیق بیر ییل بولیب اوتگن لیگی نی بیلدیررایکن, "میلادی 2021- ییلده 5 میلیارد 930 میلیون دالرلیک معدن صادراتی عملگه آشیردیک.  بو ایسه جمهوریت تاریخی نینگ رکور رقمی دن عبارت" دییه قید ایتگن لیگی نی یازماقده. 

ستار روزنامه سی, چین نینگ اینگ مهم روزنامه لری دن بیری بولگن چاینا دیلی ده باسیلیب چیققن بیر مقاله ده, "تورکیه نینگ اورته دهلیزی تاریخ نینگ اینگ یخشی فرصتی گه ایلنماقده و تیز رواجلنماقده" دییه قید ایتیلگن لیگی نی معلوم قیلماقده. 

خبرده, پروژه نینگ ظرفیتی گه دقت قره تیلگن مقاله ده, چین نینگ اوروپا گه باریشی اوچون اینگ قیسقه یول نینگ تورکیه دن عبارت ایکن لیگی بیلدیریلماقده.

ینی شفق روزنامه سی, عسکری و مدافعه صنایع سی بوییچه نشرات آلیب باریاتگن Oryx Blog نینگ تورکیه نینگ اندونزیا گه گزمه کیمه لری صادراتی بوییچه بیر مقاله گه اورین اجره تگن لیگی گه دقت قره تماقده. 

خبرده, اوشبو مقاله ده تورکیه ده ایشلب چیقاریلگن مذکور کیمه لرنینگ دنیا نینگ فرقلی اولکه لری گه صادر قیلینه دیگن لیگی نینگ بیلدیریلگن لیگی معلوم قیلینماقده. 

روزنامه, اندونزیا نینگ انقره ایلچیسی داکتر لالو محمد اقبال نینگ هم, اولکه سی نینگ تورکیه دن بیر اوروش کیمه سی آلیشی احتمالی باره سیده بعضی اوچره شوولرنینگ باشله گن لیگی نی بیلدیرگن لیگی نی یازماقده. 

صباح روزنامه سی, تورک هوا یوللری اوچاق لری نینگ, فلیپین لرده پایتخت مانیلا آرتیدن اوشبو اولکه نینگ جیبو شهری گه هم اوچه باشله گن لیگی نی معلوم قیلماقده. 

خبرده, هفته ده اوچ کون استانبول- مانیلا- جیبو شکلیده پرواز بوله دیگن لیگی ایسله تیلماقده.