تورکیه نینگ مطبوعات خلاصه لری

حریت گزیته‌سی: « ساغلیقنی سقلش وزیری کوجه: وطنداشلریمیز قیغولنمه سین تدبیرلرنی عملی قیلسین» سرلوحه‌سی بیلن خبر بیردی.

خبرگه کوره ساغلیقنی سقلش وزیری فخرالدین کوجه توناون کونی اجتماعی ترماق آرقه لی بیرگن بیاناتده تورکیه ده تثبیت ایتیلگن اومیکرون وریانتی بیلن تیگیشلی قیغولنمسلیگی و تدبیرلرنی عملی قیلیشلری کیره ک لیگینی معلوم قیلیب "وطنداشلریمیز واکسینلرینی عملی قیلیشی کیره ک" دیب افاده ایتدی.   

وطن گزیته سی: ترانسپورت وزیری قاره اسماعیل اوغلی مژده بیردی سرلوحه سی بیلن خبر بیردی.

خبرگه کوره ترانسپورت و زیربنا وزیری عادل قاره اسماعیل اوغلی توناون کونی پایتخت انقره ده جایلشگن تورکیه بویوک ملت مجلسیده قیلگن صحبتیده 2022 ییلی ملی برقی ریل نینگ تیمیر یولده بولیشیدن خبر بیردی.

ستار گزیته سی: اوراسیا تونلی گه تورکیه نی فخرلنتیرووچی مکافات سرلوحه سی بیلن خبر بیردی.

خبرگه کوره استانبول اوراسیا تونلی انگلستانده قریب 50 ییلدن بیری ساختمان و مهندسلیک ساحه سیده نشرات بیریب تورگن و هر ییل دنیا مقیاسیده اینگ یخشی تونلچیلیک ایشلریگه مکافات بیرگن نیو سیویل انجنیرینگ مجله سی تامانیدن اینواسیون مکافاتی گه لایق تاپیلدی.    

خبر تورک گزیته‌سی: زیتون و زیتون یاغی محصولاتی اینگ کوپ امریکا قوشمه ایالتلری گه صادر قیلینماقده سرلوحه سی بیلن خبر بیردی.

خبرگه کوره تورکیه دن  زیتون و زیتون یاغی محصولاتی صادراتی نوامبر آییده اوتگن ییل نینگ خوددی شو باسقیچی گه کوره 21،9 فایز کوپه ییب 30 میلیون 726 مینگ دالرگه کوتریلدی. اوشبو سکتور اینگ کوپ صادر قیلگن امریکا قوشمه ایالتلریگه اوشبو باسقیچده 7 میلیون 511 مینگ دالر ساتیش بولدی.

صباح گزیته‌سی: هیتی دوریدن قالگن 4 ته تابلیت ازمیرده نمایش قیلینه دی سرلوحه سی بیلن خبر بیردی.

ازمیرده بوغازکوی قازوولریده چیقریلگن هیتی دوریدن 4 تابلیت ازمیر باستانشناسلیک موزیمیده نمایش گه قوییلماقده. هیتی امپراتورلیگی نینگ "مقدس ازدواج"، "بیره م"، "جادی" کبی حادثه لرنی اوز ایچی گه آلگن 3 مینگ 500 ییللیک تابلیتلر کیلگنلرنینگ علاقه سینی اوزیگه تارتیب آلماقده.