تورکیه مطبوعاتیدن خلاصه لر 05.11.2021

حریت روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه 2023 رهبر لر ییغیلیشی گه ویدیو پیام آرقه لی اشتراک قیلیب, تورکیه نی تولید, صادرات, سرمایه گذارلیک و استخدام ساحه سی بوییچه یوقاری پاغانه لر گه کوتریش گه دوام ایته دیگن لیک لری نی بیلدیرگن لیگی نی معلوم قیلماقده. 

خبرده, اردوغان نینگ, "خلق ارا موسسه لرنینگ تورکیه نینگ اقتصادی کوچی نینگ 9 فایز مقیاسیده آرتیب کیتیشی نی تخمین قیلیاتگن لیگی گه قره مسدن, جاری ییل نینگ سونگگی دن باشلب 10 فایزدن آرتیق بیر رقم گه کوتریله دیگن لیگی نی اویله ماقده میز" دییه قید ایتگن لیگی بیلدیریلماقده. 

ینی شفق روزنامه سی, جمهوررئیس اردوغان نینگ, تورک کینگشی معارف وزیرلری 6- ییغیلیشی و خلق ارا تورک اکادمیسی بیلیم کینگشی 4- ییغیلیشی گه یوبارگن ویدیویی پیامیده, "تورک کینگشی, آره میزده گی قرداشلیک و همکارلیک نینگ سمبولی گه ایله نیب قالگن وضعیتده" دییه قید ایتگن لیگی نی بیلدیرماقده. 

ستار روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, امریکا قوشمه ایالتلری نینگ, پ.ک.ک – پی وای دی – وای پی جی بیلن همکارلیگی, فتو نینگ امریکا قوشمه ایالتلری ده گی موجودیتی و اس – 400 توغریسیده گی سرمایه گذارلیک لر بیلن علاقه لی سیاستی نینگ متفق لیک روحی گه اویغون ایمس لیگی نی بیلدیررایکن, "اوشبو مسئله لر باره سیده بحث ایتیش اوچون بیر هیئت قوره میز.  بو طلب امریکا قوشمه ایالت لری و بایدن تامانیدن کیلدی" دییه قید ایتگن لیگی نی معلوم قیلماقده. 

صباح روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ, امریکا قوشمه ایالتلری بیلن تورکیه اورته سیده گی اف- 35 مسئله سی بیلن علاقه لی بیانات بیرگن لیگی نی یازماقده.

خبرده, قلین نینگ بیرینچی دن تورکیه نینگ اف – 35 برنامه سی نینگ ایچیده بولیش گه طرفدار ایکن لیگی نی بیلدیررایکن, بونده ی بولمس لیگی تقدیرده ایسه اف- 16 لر بیلن تلافی یولی نینگ تعقیب ایتیله دیگن لیگی نی بیلدیرگن لیگی ایسله تیلماقده. 

روزنامه, قلین نینگ, "اف- 35 لر مسئله سی نینگ ییچیله آلمس لیگی تقدیرده وقت نی اوتکزمسدن, بونی اف – 16 لر بیلن تلافی یولی نی تعقیب ایتیشی میز ممکن" دییه قید ایتگن لیگی نی یازماقده. 

خبرتورک روزنامه سی, اوروپا اعمار و رواجله نیش بانکی نینگ, منطقه بیلن علاقه لی اقتصادی راپوریده, تورکیه نینگ 2021- ییلده اقتصادی کوچی نینگ آرتیشی بوییچه تخمینی نی 5,5 فایزدن 9 فایز گه آرتیرگن لیگی گه دقت قره تماقده.