تورکیه مطبوعاتیدن خلاصه لر 27.09.2021

حریت روزنامه سی, تورکیه جمهوریتی جمهوررئیسی رجب طیب اردوغان نینگ, سی بی اس تلویزیونی بیلن مصاحبه قیلگن لیگی نی بیلدیرماقده.

خبرده, اردوغان نینگ, بولووچی ترور تشکیلاتی پ.ک.ک- .وای پی جی نی قوللب- قوتله گن لیگی اوچون امریکا قوشمه ایالت لری نی تنقید قیلگن لیگی معلوم قیلینماقده. 

روزنامه, تورکیه بیلن امریکا قوشمه ایالت لری نینگ ناتو متفقی ایکن لیگی نی بیلدیرگن اردوغان نینگ, "بو طریقه ترور تشکیلات لری نینگ قوللب – قوتله نیشی تقدیرده اوشبو وضعیت بیزنی خفه قیله دی و بیز هم اَیته میز" دییه قید ایتگن لیگی نی یازماقده. 

ینی شفق روزنامه سی, جمهوررئیس اردوغان نینگ, امریکا قوشمه ایالتلری نینگ افغانستان دن چیقق لیگی دیک, سوریه و عراقدن هم چیقیشی کیره ک ایکن لیگی نی بیلدیرگن لیگی نی معلوم قیلماقده. 

خبرده, اردوغان نینگ, هدف نینگ تینچلیک نینگ اورنه تیلیشی دن عبارت بولیشی تقدیرده, امریکا قوشمه ایالتلری نینگ تینچلیک اوچون او ییرلرده قالیشی نینگ هیچ قنده ی بیر معنی گه ایگه ایمس لیگی نی بیلدیرگن لیگی ایسله تیلماقده. 

ستار روزنامه سی, تورکیه نینگ ایشلب چیقارگن اورته ارتفاع هوا مدافعه راکت تیزیمی Hisar-O+ نینگ تورکیه قوراللی کوچ لری گه تاپشیریله دیگن لیگی نی بیلدیرماقده. 

خبرده, اوشبو سیستم لرنینگ, منزل, ارتفاع و باشقه قابلیت لری جهتی دن دینگیز کوچ لریده استفاده ایتیلیاتگن امریکا قوشمه ایالتلری دن آلینگن راکت لرنینگ اورنی نی آله دیگن لیگی معلوم قیلینماقده.

صباح روزنامه سی, تورک داکتر, اکادمسین و نوبل ساورینداری عزیز سنجر نینگ, وطن سیوگی سی نینگ همه نرسه دن بلند ایکن لیگی نی بیلدیررایکن, "هدف نوبل ساورینی گه سزاوار بولیش ایمس, بلکه بو وطن و بشریت گه فایده لی بیر ایش قیلیش دن عبارت" دییه قید ایتگن لیگی نی بیلدیرماقده. 

خبرده, تورکیه نینگ علمی جهت دن غرب دن کم ایمس لیگی نی بیلدیرگن سنجر نینگ, تورک دولت لرنینگ اورتاق فعالیت یوریتیش لری کیره ک ایکن لیگی نی بیلدیرگن لیگی گه دقت قره تیلماقده. 

وطن روزنامه سی, تورکیه ده تکنالوژی گه قیزیقیش نی آرتیریش و تکنالوژی تولید ایتیاتگن بیر جمعیت گه ایله نیش خصوصیده انسان لرنینگ آنگی نی آچیش اوچون باشله تیلگن هواچیلیک, فضا و تکنالوژی فستیوالی تکنوفست نینگ اداققه ییتگن لیگی نی بیلدیرماقده. 

خبرده, اوشبو فستیوال دایره سیده مسابقه لر, هوا نمایش لری و علمی صحبت لر کبی کوپلب فعالیت لرنینگ یوریتیلگن لیگی بیلدیریلماقده. 

روزنامه, جاری ییلده استانبولده گی اتاتورک هوا قونلغه سیده بولیب اوتگن فستیوال گه ینه یوز مینگلب کیشی نینگ اشتراک قیلگن لیگی نی معلوم قیلماقده.