تورکیه مطبوعاتیدن خلاصه لر 17.08.2021

صباح روزنامه سی, تورکیه جمهوریتی جمهوررئیسی رجب طیب اردوغان نینگ, توناون انقره ده بیرگن بیاناتیده, ایندی تورکیه نینگ اینیقسه تولید و صادرات بوییچه جهان بویلب کتته موفقیت لر قولگه کیریتیاتگن لیگی نی بیلدیرگن لیگی نی یازماقده. 

خبرده, اردوغان نینگ, "میلادی 2021- ییل نینگ دستلبکی اوچ آییده 7 فایز مقیاسیده کوچی میز آرتدی, انشاءالله ایککینچی اوچ آییده ایسه جدی بیر موفقیت قولگه کیریته میز" دییه قید ایتگن لیگی بیلدیریلماقده. 

حریت روزنامه سی, تورکیه جمهوریتی ملی مدافعه وزیری خلوصی آقر نینگ, توناون بولیب اوتگن و افغانستان ده گی تورک حربی لرنینگ قوماندانی نینگ هم اشتراک قیلگن ویدیوکنفرانس ییغیلیشیده, پایتخت کابل ده گی پرسونل نینگ خوفسیزلیگی نینگ بیرینچی درجه ده گی موضوع دن عبارت ایکن لیگی نی بیلدیررایکن, اوشبو توغریده هر خیل تدبیر نینگ آلینگن لیگی نی معلوم قیلگن لیگی نی ایسلتماقده. 

وطن روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, اردن نینگ الغد روزنامه سیده باسیلیب چیققن "تاریخی بیر دورده تورکیه بیلن اردن اورته سیده گی مناسبت لر" عنوانی گه ایگه مقاله سیده, سوریه ده سونگگی اون ییل ده گی اختلاف نینگ بشری, سیاسی و اقتصادی ضرر لری نی اینگ کوپ حس ایتگن اولکه لرنینگ تورکیه و اردن دن عبارت ایکن لیگی نی بیلدیرگن لیگی نی یازماقده. 

خبرده, چاووش اوغلی نینگ اوشبو مقاله سیده, "مهاجر لرنینگ امنیتلی, کونگیللی و یخشی بیر شکلده اوز یورت لری گه قیتیب باریش لری اوچون شرایط یره تیب بیریش مقصدی بیلن, ایککی قوشنی اولکه اوله راق سوریه مسئله سی گه بیر ییچیم یولی نینگ تاپیلیشی اورتاق اولویتی میزدن عبارت" دییه قید ایتگن لیگی ایسله تیلماقده. 

خبرتورک روزنامه سی, تورکیه احصائیه اداره سی نینگ, جاری ییل نینگ اپریل- جون آی لری آره سیده گی ایش کوچی احصائیه لری نی اعلان قیلگن لیگی نی معلوم قیلماقده. 

خبرده, اوشبو معلومات لر گه کوره, جاری ییل نینگ دستلبکی اوچ آیی بیلن سالشتیریلگنده, ایککینچی اوچ آییده ایش سیزلیک میزانی نینگ 0,6 فایز مقیاسیده توشیب کیتگن لیگی بیلدیریلماقده. 

روزنامه شونده ی قیلیب اوشبو دورده ایش سیزلیک میزانی نینگ 12,4 فایز اوله راق حسابلنگن لیگی گه دقت قره تماقده. 

خبرده, خوددی شوو دور نینگ اوزیده ایش سیز کیشی لر سانی نینگ 3 میلیون 989 مینگ گه توشیب کیتگن لیگی نینگ انیقلنگن لیگی بیلدیریلماقده. 

ینی شفق روزنامه سی, تورکیه نینگ توریستیک شهری دن عبارت انتالیا گه جاری ییل نینگ بیرینچی کونیدن باشلب 15- آگست کونی گه قدر اوچاق بیلن 4 میلیون 351 مینگ توریست نینگ کیلگن لیگی نی معلوم قیلماقده. 

خبرده, فقط گینه سونگگی 15 کون مابینیده اوشبو شهر گه بیر میلیون توریست نینگ کیلگن لیگی گه دقت قره تیلماقده. 

روزنامه, اوشبو شهر گه اینگ کوپ روسیه دن توریست کیلیاتگن لیگی نی بیلدیرماقده. 

خبرده, ایککی میلیون گه یقین توریست نینگ انتالیا نی ترجیح ایتگن لیگی یازیلماقده.