تورکیه مطبوعاتیدن خلاصه لر 16.08.2021

حریت روزنامه سی, تورکیه جمهوریتی جمهوررئیسی رجب طیب اردوغان نینگ, استانبولده بیرگن بیاناتیده, "افغانستانده زودلیک بیلن تینچلیک نینگ اورنه تیلیشی اوچون قولیمیزدن کیلگنینی قیله میز و اوشبو توغریده پاکستان بیلن همکار بوله میز" دییه قید ایتگن لیگینی معلوم قیلماقده. 

ینی شفق روزنامه سی, جمهوررئیس اردوغان نینگ, استانبولده ترتیب لنگن بیر مراسمده قیلگن معروضه سیده, تورکیه نینگ مدافعه صنایع سی بوییچه تشقری گه باغلی لیگی نینگ 80 فایزدن 20 فایز گه توشگن لیگی نی معلوم قیلرایکن, "مدافعه صنایع سی بوییچه دنیا نینگ اینگ موفق اولکه لریدن بیری بوله میز" دییه قید ایتگن لیگی نی یازماقده.

وطن روزنامه سی, ایسکی شهر تخنیک عالی بیلیم یورتی تامانیدن باشقریلیاتگن و 2007- ییلده باشقریش اجازتی نی آلیشی بیلن دنیا ده ایلک, تورکیه ده ایسه بیرته گینه "عالی بیلیم یورتی هوا قونلغه سی" اوله راق تاریخ گه ثبت ایتیلگن حسن پولاتقان هوا قونلغه سی نینگ, بلجیم, آلمان, فرانسه و هالند, حج و عمره سفر لری بیلن ییلده 100 مینگ یولاوچی گه خدمت قیلگن لیگی نی بیلدیرماقده. 

صباح روزنامه سی, تورکیه نینگ جنوری – جولای دوری ده قیلگن 1 میلیارد 638 میلیون دالرلیک میوه و سبزه صادراتی نینگ 32 فایزی نینگ روسیه گه قیلینگن لیگی نی معلوم قیلماقده. 

خبرده, روسیه گه 526 میلیون 818 مینگ دالرلیک صادرات قیلینگن لیگی بیلدیریلماقده. 

ستار روزنامه سی, تورک آسترونومی عکاسی دوکتور محمد خاقان اوزساراچ نینگ, هبل فضا تلسکوپی تامانیدن آلینگن خام عکس نی رنگ لنتیرگن عکس نینگ, امریکا ملی هواچیلیک و فضا اداره سی (ناسا) تامانیدن "دنیا ده کون نینگ آسترونومی عکسی" اوله راق سیله نیب انترنت سایتی آرقه لی ترقه تیلگن لیگی نی یازماقده.