تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیته‌سی: ملی خوفسیزلیک کینگشی جلسه سیده یانغین گه قرشی کوره ش تاکییدلندی سرلوحه سی بیلن خبر بیردی.
جمهور باشلیغی رجب طیب ایردوغان باشچیلیگیده گی ملی خوفسیزلیک کینگشی جلسه سی نینگ ارتیدن یایینلنگن اعلامیه ده تورکیه ده یانغینلر بیلن تیگیشلی آلیب باریلگن کوره ش نینگ تیکشیریب چیقیلگن لیگی و قوشیمچه چاره – تدبیرلر کوریشیلگن لیگی بیلدیریلدی.
حریت گزیته‌سی: شنتوپ: اینگ کوپ ایران و تورکیه گه تاثیر قالدیره دی سرلوحه سی بیلن خبر بیردی.
تورکیه بویوک ملت مجلسی باشلیغی مصطفی شنتوپ ایران مجلس باشلیغی محمد باقر قالیباف بیلن بولیب اوتگن اوچره شوویده افغانستانده گی کوچ مسئله سیدن اینگ کوپ ایران و تورکیه گه تاثیر قالدیره جگینی معلوم قیلیب "افغانستانده برقرارلیک نینگ تامین ایتیلیشی و کوچ دالغه سی نینگ توخته تیلیشی اوچون همکارلیگیمیزنی کوپه یتیریشیمیز کیره ک" دیدی.
خبر تورک گزیته‌سی: ساغلیقنی سقلش وزیری کوجه دن فکری ملکیت چقیریغی سرلوحه سی بیلن خبر بیردی.
ساغلیق نی سقلش وزیر فخرالدین کوجه واکسین ایشلب چیقرگن اولکه و شرکتلرنینگ نماینده لری نینگ قتنه شیشی بیلن اویوشتیریلگن کوید-19 واکسین همکارلیک پروگرامیده قیلگن صحبتیده فکری ملکیت حقلری تارتیشوویگه حلی هم بیر ییچیم تاپیلمه یشی نینگ اچینرلی ایکن لیگینی اورغولب "خلق ارا همکارلیک نینگ بو توغریده تیزلشتیریلیشی کیره ک لیگی گه ایشانه من" دیدی.
صباح گزیته‌سی: TOGG دن آلمان حمله سی سرلوحه سی بیلن خبر بیردی.
وطنی اتوموبیل TOGG نینگ باشقرووچیسی گورجان قاره قاش 2022 ییلی نینگ سونگگیده قطار تولیدنینگ چیقه جگیدن خبر بیردی. اولاً تورکیه بازاریده ساتیش گه چیقه جگینی ایتدی. قاره قاش قریب 1.5 ییل کیین اولاً آلمان کیین اروپاده گی ایریم بازارلرده ساتیش گه باشله یمیز" دیدی.
ستار گزیته‌سی: تورکیش کارگودن اوته موفقیت سرلوحه سی بیلن خبر بیردی.
خلق ارا هوا تشووچیلیگی بیرلیگی تامانیدن نشر قیلینگن راپورلرگه کوره اوتگن ییل جون آییده تشیگن یوک مقداری بیلن 6 – بولگن تورکیش کارگو 2021 ییلی جون آییده امریکا، اروپا و اوزاق شرق رقیبلرینی آرتده قالدیریب 3- اوریننی ایگلله دی.
