تورکیه نینگ مطبوعات خلاصه لری

وطن گزیته‌سی: ایردوغان بلغاریا جمهور باشلیغی رادیف بیلن سوزلشدی سرلوحه سی بیلن خبر بیردی.

تورکیه جمهور باشلیغی رجب طیب ایردوغان بلغاریا جمهور باشلیغی رومن رادیف بیلن تیلفون آرقه لی سوزلشدی.

جمهور رئیسلیک علاقه باشقرمه سی تامانیدن بیریلگن بیاناتگه کوره بو سوزلشووده تورکیه نینگ بعضی بیر منطقه لریده دوام ایتیب تورگن یانغین گه قرشی کوره شده همکارلیک و ایککی اولکه مناسبتلرینی رواجلنتیرووچی موضوعلر تیلگه آلینگن.

جمهور باشلیغی ایردوغان "اورمان یانغینلری باعث تسلیت بیلدیرگن" بلغاریا جمهور باشلیغی رادیف گه یانغین گه قرشی کورهشده کورستگن بیردملیک و همکارلیک اوچون منتدارچیلیک بیلدیردی.

یینی شفق گزیته‌سی: تورکیه دن امریکا قوشمه ایالتلریگه کوچمن موضوعی بوییچه عکس العمل سرلوحه سی بیلن خبر بیردی.

امریکا قوشمه ایالتلری تشقی ایشلر وزیرلیگی آلدینگی کونی بیرگن بیاناتده کوچمن قبولی پروگرامی بیلن تیگیشلی مراجعه لرنینگ اوچونچی اولکه لردن آلینیشینی معلوم قیلیب تورکیه نی اشاره قیلدی. موضوع بوییچه تشقی ایشلر وزیرلیگیدن بیریلگن بیاناتده "سونگگی 7 ییلده دنیا مقیاسیده اینگ کوپ قاچقین گه میزبانلیک قیلگن اولکه میزنینگ ینگی بیر کوچ بحرانینی اوچونچی بیر اولکه تامانیدن بوینی گه آله دیگن ظرفیتی یوق دیر. مسؤلیتسیز و اولکه میز بیلن مصلحتلشمه ی قبول قیلیب آلینگن قرارنی قبول قیلمه یمیز" دییلدی.

خبر تورک گزیته‌سی: تورکیه بیلن روسیه اورته سیده سوریه اوچره شووی سرلوحه سی بیلن خبر بیردی.

جمهور رئیسلیک سوزچیسی ابراهیم قلین روسیه نینگ سوریه خاص نماینده سی الکسندر لاورینتیف بیلن جمهور رئیسلیک مجتمعیده اوچره شدی. اوچره شووده سوریه ده گی ینگیلیکلر و سیاسی جریان تیلگه آلیندی. ادلبده آتشکیسین نینگ قوریقلنیشی، کیلیشوو تامین ایتگن برقرارلیک فضاسیگه زیان ییتکیزه دیگن تحریکی هجوملرگه فرصت بیریلمس لیگی توغریسیده کیلیشیب آلیندی. پی وای دی/وای پی جی/ پی کاکا بیلن داعش قاله ویرسه برچه ترور تشکیلاتلریگه قرشی قاطعانه کوره ش اورغولندی.

صباح گزیته‌سی: عراق نینگ شمالیده پی کاکاگه کتته ضربه اوریلدی سرلوحه سی بیلن خبر بیردی.

عراق نینگ شمالیده دوام ایتیب تورگن پنجه – چقماق و پنجه یلدیرم عملیاتی نینگ 100 – کونیده بولووچی ترور تشکیلاتی پی کاکا اوچون مهم بولگن اواشین ده کنترول بوتونله ی قولگه آلیندی. 13 ته یوقاری سویه لی ییتکچی 223 ته تروریست جنگری تاثیرسیز وضعیت گه کیلتیریلدی. 1 مینگ 537 ته ماین و منفجره مواد یوق قیلیندی.

حریت گزیته‌سی: یونسکو دنیا میراث رویخطی اعلان قیلیندی سرلوحه سی بیلن خبر بیردی.

ملاتیانینگ بتال غازی تومنیده جایلشگن و بیرلشگن ملتلر تشکیلاتی تعلیم، بیلیم و مدنیت گروهی (یونسکو) نینگ دنیا میراث وقتینچه لیک رویخطیده اورین آلگن ارسلان تیپه تیپه سی دایمی رویخط گه آلیندی. اوتمیشی میلاددن آلدین 5 مینگ ییل گه تیانگن تیپه گه هر ییل اون مینگلب کیشی کیله دی. حلی گچه بولگن قازوولرده انچه اثر یوزه گه چیقریلدی. 7 مینگ ییل لیک اوتمیشی بیلن اریستوکراسی نینگ یوزه گه چیققن جایی، ایلک دولت شکلی یوزه گه چیققن ارسلان تیپه 2014 ییلی موقتی رویخط گه آلینگندی.