تورکیه نینگ مطبوعات خلاصه لری

خبر تورک گزیته‌سی: ایردوغان تونسده گی برقرارلیک منطقه جهتیدن هم اهمیت گه سزاوار سرلوحه سی بیلن خبر بیردی.

جمهور باشلیغی رجب طیب ایردوغان اولکه سیده مجلس فعالیتلرینی توخته تیب قویگن تونس جمهور باشلیغی قیس سعید بیلن قیلگن تیلفون صحبتیده تونس نینگ برقرارلیگی، ایچکی تینچلیک و بردملیگینی قوریقلشی منطقه نینگ برقرارلیگی جهتیدن جوده مهم دیب بهالندیردی. ایردوغان تونسده دموکراسی نینگ قوریقلنیشی، ایرکین لیکلرنینگ ضمانتی و قانون نینگ اوستونلیگی نینگ کوزه تووی نینگ اهمیتینی تیلگه آلدی.

وطن گزیته‌سی: ایردوغاندن میلانویچ گه منتدارچیلیک سرلوحه سی بیلن خبر بیردی.

جمهور باشلیغی ایردوغان کرواسی لیک کسبداشی زوران میلانویچ بیلن تیلفون آرقه لی سوزلشدی. ایردوغان سولشووده اورمان یانغینلری باعث قیغوداشلیک بیلدیرگن و یانغین گه قرشی کوره ش اوچون بیردملیک و همکارلیک کورستگن میلانویچ گه تشکر قیلدی. ایردوغان متفقلیک منتاسبتلری نینگ شونقه وضعیتلرده انچه اهمیتی بولگن لیگینی بیلدیردی.

یینی شفق گزیته‌سی: صادراتده تاریخی ریکارد سرلوحه سی بیلن خبر بیردی.

تورکیه دن صادرات جنوری – جولای اورته سیده اوتگن ییل نینگ خوددی شو باسقیچی گه کوره 35 فایز؛ ینگی تور کروناویروس (کوید-19) کسل لیگی آلدینگی باسقیچ گه کوره 16.4 کوپه ییش بیلن 121.4 میلیارد دالرگه چیقدی. سونگگی 12 آیلیک صادرات 201.5 میلیارد دالرگه کوتریلیب ینگی بیر جمهوریت تاریخی ریکاردی اورنه تیلدی. ایلک مرته 200 میلیارد دالر حدودیدن آشیب کیتدی.

حریت گزیته‌سی: تورک بیلیم انسانیدن مهم ایجاد سرلوحه سی بیلن خبر بیردی.

تورک بیلیم انسانی رابعه توغچه یازیچیگیل ایندوسکوپیک تشخیص اوچون یوته دیگن و کیبلسیز کپسول ایجاد ایتدی. ایچک و هزم قیلیش تیزیمی کسل لیگی نینگ تشخیصی اوچون فایده لنگن کپسول ایندوسکوچی قاله ویرسه انچه ساحه ده فایده قیله دی. کپسول یوتولگندن کیین هزم قیلیش تیزیمیدن اوتیب کسل لیکلرنی انیقله یدی و مبایل گه بیلدیره دی. بو کپسول بیلن انچه کسل لیک نینگ تشخیصی آسان بوله دی.

صباح گزیته‌سی: والیابلده رقیب جنوبی کوریا سرلوحه سی بیلن خبر بیردی.

تورکیه والیبال ملی تیرمه جماعه سی 2020 توکیو بیلله شوولری چاریک فاینلده گی رقیبی جنوبی کوریا بولدی. بی گروپده 3- اوریننی ایگلله گن تورکیه ملی تیرمه جماعه سی بیرینچی گروپده 3 بولگن جنوبی کوریا بیلن برابر کیلدی. اوچره شوو 4 اگست چهارشنبه کونی تورکیه وقتی بیلن ساعت 03:00 ده باشله یدی.