تورکیه مطبوعاتیدن خلاصه لر 02.08.2021

حریت روزنامه سی, یونان چیگره سیدن ملکی کییم کییب آلگن کیشی لر تامانیدن اوق اوزیلیب تورکیه نینگ ایدیرنه ولایتیده بیر تورک وطنداشی نینگ حیاتی نی یوقاتگن لیگی سببلی تورکیه جمهوریتی تشقی ایش لر وزیرلیگی نینگ یونان تامانی گه دیپلماتیک یادداشت بیرگن لیگی نی بیلدیرماقده. 

ستار روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, "وطنی واکسین بوییچه وطنداش لری میز نینگ فداکارلیک لری نتیجه سیده سونگگی باسقیچ گه کیلماقده میز.  فاز 2 فعالیت لری توگه ماقده و انشاءالله فاز 3 باسقیچی نی هم یقینده باشله ته میز.  بو واکسین نینگ ینگی تور لر گه قرشی مهم بیر موثریت گه ایگه ایکن لیگی نی اویله ماقده میز" دییه قید ایتگن لیگی نی یازماقده. 

ینی شفق روزنامه سی, تورکیه جمهوریتی انرژی و طبیعی منبع لر وزیری فاتح دونمز نینگ, قاره دینگیز گازی دن فایده له نیش بوییچه آزگینه بیر وقت نینگ قالگن لیگی و دینگیز نینگ تیبی گه جایلشتیریله دیگن 169 کیلومترلیک قوور نینگ ایشلب چیقاریلیشی توغریسیده فعالیت لرنینگ باشله گن لیگی نی بیلدیرگن لیگی نی معلوم قیلماقده. 

خبرتورک روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, تورکیه نینگ یالوا ولایتی آلتین اووا تومنی ده گی جمره کیمه ایشلب چیقاریش مرکزی ده تولید ایتیله دیگن دنیا نینگ اینگ کتته جانلی بلیق تاشووچی کیمه نینگ بیرینچی ولدینگ ایشی نی قیلگن لیگی گه دقت قره تماقده. 

خبرده, ناروی گه صادر قیلینه دیگن اوشبو کیمه نینگ میلادی 2023- ییلده تسلیم ایتیلیشی نینگ ریجه لنگن لیگی بیلدیریلماقده. 

صباح روزنامه سی, استانبول گه کرونا پاندمیسی چیکلاو لری نینگ بیکار قیلینیشی آرتیدن جون آییده 684 مینگ 621 چیت ایللیک توریست نینگ کیلگن لیگی و شونده ی قیلیب اوشبو شهرنینگ سونگگی 16 آی نینگ اینگ کوپ توریستی گه میزبان لیک قیلگن لیگی نی بیلدیرماقده. 

خبرده, استانبول گه کیلگن چیت ایللیک توریست لر آره سیده سانی جهتی دن 70 مینگ 989 رقمی بیلن آلمان لیک لرنینگ بیرینچی اوریننی ایگلله گن لیگی معلوم قیلینماقده. 

روزنامه, آلمان لیک توریست لر آرتیدن ایسه, اینگ کوپ ایران لیک, امریکالیک, اوکراین لیک, عراق لیک, فرانسه لیک و روسیه لیک سیاح لر نینگ کیلگن لیگی نی یازماقده.