تورکیه مطبوعاتیدن خلاصه لر 08.07.2021

خبرتورک روزنامه سی, تورکیه جمهوریتی جمهوررئیسی رجب طیب ایردوغان نینگ, "جمعیت گه تورر جای قوریش اداره سی واسطه سی بیلن دنیاده هیچ کیمسه نینگ قولگه کیریتیشی ممکن بولمه گن موفقیت نی قولگه کیریتدیک.  تقریباً 200 میلیارد لیره لیک سرمایه گذارلیک بیلن هر طبقه ده گی انسان لری میز نی اوی ایگه سی قیلدیک" دییه قید ایتگن لیگی نی بیلدیرماقده. 

خبرده, اینگ سونگ 100 مینگ تورر جای کمپاینی باشلتگن لیک لری نی بیلدیرگن ایردوغان نینگ, اوز سوز لری نی, "12 مینگ تورر جای نینگ قوریلیش ایش لری نی توگتدیک.  حاضرگی کونده 76 مینگ تورر جای نینگ قوریلیش ایش لری دوام ایتماقده" شکلیده دوام ایتتیرگن لیگی معلوم قیلینماقده. 

ینی شفق روزنامه سی, تورکیه نینگ کووید 19 گه قرشی ایشلب چیقارگن واکسینی دن عبارت تورکوواک نینگ 3- باسقیچ فعالیت لری نینگ 500 کیشی لیک بیر تیم بیلن جدل روشده دوام ایتیاتگن لیگی نی ایسلتماقده. 

خبرده, تورکیه ساغلیق انستیتوت لری باشلیغی پروفیسر داکتر ارهان آقدوغان نینگ, موثریتی انیقلنگن تورکوواک بیلن علاقه لی بیرگن بیاناتیده, "3- باسقیچ تدقیقات لری نینگ مژده لی نتیجه لری نی کوتماقده میز.  توگه گنده برچه زیربنا امکانیت لری تیار وضعیت گه کیتیریله دی.  واکسین فابریکه لریده ایشلب چیقاریش فعالیت لری باشله تیله دی" دییه قید ایتگن لیگی ایسله تیلماقده. 

ستار روزنامه سی, شمالی قبرس تورک جمهوریتی باش وزیری ایرسان سانر نینگ, "شمالی قبرس تورک جمهوریتی اوله راق تورکیه بیلن بیر یقه دن باش چیقاریشی میز تقدیرده, بو جغرافیه ده قیلالمس لیگی میز ممکن بولگن بیر نرسه نینگ موجود ایمس لیگی گه ایشانماقده میز.  ماوی وطن داخل, تورک ملتی نینگ حق و منفعت لری نی مدافعه قیلیش شمالی قبرس تورک جمهوریتی حکومتی نینگ اینگ مهم وظیفه لری آره سیده اورین آلماقده.  آنه یورت تورکیه بیلن بیر یقه دن باش چیقاریش کوچی میز نی ینه ده آرتیره دی" دییه قید ایتگن لیگی نی معلوم قیلماقده.

صباح روزنامه سی, تورکیه نینگ روسیه بیلن توریزم ساحه سی بوییچه تشبث لری نینگ, صادرات نی کوچه یتیره باشله گن لیگی نی یازماقده. 

خبرده, سونگگی بیر آیده مینگلب روس سرمایه دارلرنینگ, تورکیه نینگ آنتالیا شهریده گی کورگزمه لر گه کیلگن لیگی ایسله تیلماقده. 

روزنامه, جاری ییلده 50 مینگ روس سرمایه دارنینگ سیاحت و تجارت مقصدی بیلن تورکیه گه کیلیشی نینگ کوتیلیاتگن لیگی نی یازماقده. 

وطن روزنامه سی, آلمان تلویزیونی ZDF نینگ, " تورکیه نینگ موتری, تیسلا و فولکس واگن گه رقیب می؟" عنوانی بیلن بیرگن بیر خبریده, تورکیه نینگ اوز کوچی نی بیرلشتیریب ادعالی بیر هدف تامان آلغه کیتیاتگن لیگی نی بیلدیررایکن, تورکیه نینگ برقی موتری نینگ کیله جک ییلدن باشلب استفاده گه تیار وضعیت گه کیله دیگن لیگی نی معلوم قیلگن لیگی گه دقت قره تماقده.