تورکیه نینگ مطبوعات خلاصه لری

خبر تورک گزیته‌سی: محدودیتسیز هفته سونگگی سرلوحه سی بیلن خبر بیردی.

استانبولده خلق ینگی تور کروناویروس کوید – 19 چاره – تدبیرلری چوکاتیده گی قدمه لی نورماللشیش قرارلری دایره سیده کوچه گه چیقیش محدودیتی بولمه گن ایلک یکشنبه کونیده دینگیز قیرغاقلری و پارکلرگه باریب تفریح قیلدیلر. تورکیه نینگ برچه ولایتلریده بونقه منظره کوریلدی. خلق اینیقسه دینگیز قیرغاقلری و تفریحگاهلرگه گاوجوم قیلدی.

حریت گزیته‌سی: پروفیسور دوکتور اوغور شاهین: تورکیه 3-4 آیده نورماللشیب باره دی سرلوحه سی بیلن خبر بیردی.

بیونتیک نینگ موسسلری پروفیسور دوکتور اوغور شاهین و دوکتور اوزلیم توره جی صبانجی بیلیم یورتی نینگ فراغت مراسمی گه آنلاین آرقه لی قتنه شیب بیر مژده بیردی. شاهین "ایملش نینگ کسل لیک نی کنترول آستیگه آلیش گه تاثیرلی ایکن لیگینی کورماقده میز. بو احتمالا 3-4 آی ایچیده تورکیه ده هم یوز بیره دی. هم انفکسیوننی کنترول آستیگه آله میز همده کسلخانه ده یاتیش کمه ییب کیته دی" دیب گپبردی.

ستار گزیته‌سی: تاتار: تورکیه نینگ همکارلیگی بیلن بوجایگچه کیلدی سرلوحه سی بیلن خبر بیردی.

شمالی قبرس تورک جمهوریتی جمهور باشلیغی ایرسین تاتار قبرسده کتته حادثه لر یوز بیردی، کتته نسل قیرغینی بولگندی، بیراق تورکیه نینگ همکارلیگی بیلن بوگونلرگچه کیلدیک" دیدی. بیر دولت گه ایگه میز، بیر جمهوریتیمیز بار، دیب ایتگن تاتار تورکیه بیلن شو وقت هماهنگ لیک بیلن ملی دعوالرینی قوریقلش گه دوام ایتیب تورگن لیکلرینی تیلگه آلدی.

یینی شفق گزیته‌سی: فرانسه لیکلر تورکیه نی مثال کورستدی سرلوحه سی بیلن خبر بیردی.

فرانسه سناسی مدافعه کمیته سی فرانسه اردوسی نینگ هیداوچیسیز هوا واسطه لری ایها اوروشلرگه تیار وضعیت گه کیلتنیریلیشی بوییچه چقیریق بولگن بیر راپور تیارله دی. راپورده تورک قوراللی هیداوچیسیز هوا واسطه سی سیهالرنینگ قاره باغ، لیبیا و سوریه ده گی وضعیتیدن بحث قیلیندی. تورکیه نینگ سیها/ایهالرنینگ کتته تولید و صادراتگه باشله گن لیگی گه دقت قره تیلدی. 

صباح گزیته‌سی: بوریل، امریکا قوشمه ایالتلری و اروپاگه صادر بولدی سرلوحه سی بیلن خبر بیردی.

دنیا مقیاسیده اینگ بای بور ذخیره لریگه ایگه بولگن تورکیه بونینگ اقتصادگه حصه قوشیشی گه اورونماقده. بوریل قول دیزینفیکتانی امریکا قوشمه ایالتلری، لوکزمبورگ و فینلندگه صادر ایتیلدی. اورته شرق اولکه لریدن هم طلب بار. آلمان، انگلستان، فرانسه، هالند هم صادرات بازاری اوله راق تعیین قیلیندی.