تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/05c1/58c0/233a/59d484f486e1c.jpg?time=1719057740)
یینی شفق گزیتهسی: «تورکيه تاریخیده ایلک مرته» سرلوحهسی بیلن خبر بیردی.
خبرگه کوره، جمهور باشلیغی رجب طیب ایردوغان پولند جمهور باشلیغی اندیریج سبستیان دوده اوزارا اوچرهشوولردن سونگ مشترک مطبوعات انجمنی اوتکزیلدی. «تورکيه اوز تاریخیده بیرینچی بار ناتو و اروپا بیرلیگی اعضا دولتگه اوچووچیسیز هوا واسطه سی صادر قیلهدی»، دیب ایتگن.
ستار گزیتهسی: «دوده:تورکيه منطقهدهگی اینگ ساغلم متفقیمیز» سرلوحهسی بیلن خبر بیردی.
خبرگه کوره، پولند جمهور باشلیغی دوده تورکيه پولند دولتی اوچون منطقهدهگی اینگ ایشانچلی همکار ایکنلیگینی تأکیدلب، «ناتو دایرهسیده ایکّی دولت بیرگهلیکده چیتدن کیلهدیگن تهدیدلرنی آلدینی آلیشیمیزگه ایشانهمن»،-دیدی.
صباح گزیتهسی: «قاره دینگیزدن ینگی طبيعي گاز خوش خبری» سرلوحهسی بیلن خبر بیردی.
خبرده یازیلیشیچه، تورکيه انرژی و طبيعي منبعلر وزیری فاتیح دونمیز سکريه ولایتیده جایلشگن طبيعي گاز کانیدهگی اوزگریشلر حقیده معلومات بیردی. قاره دینگیزدهگی فعالیتلرگه اعتبار قرهتگن وزیر: «جون آییده ینگی خوش خبرنی کوتهیلیک. فعالیتلر جونده یکونلنهدی. فیلیوس قاره دینگیزده بورغولش فعالیتلری مرکزیگه ایلنهدی»،-دیدی.
خبر تورک گزیتهسی: «تورکيهدن چینگه 6-و 7- یوک تشووچی ریللر یولگه چیقدی» سرلوحهسی بیلن خبر بیردی.
خبرگه کوره، تورکيه-چین یونه لیشیدهگی 6- و 7- یوک تشووچی ریللر خواجه ایلی نینگ قارتیپه تومنیدن یولگه چیقدی. قوریلیش ماتریاللری آرتیلگن ریللر 12 کونده 4 مملکت حدودلریدن اوتیب چین نینگ خیان شهریگه ییتیب بارهدی.
حریت گزیتهسی: «سیاحلر چیکلاولرگه قرهمهی تورکيهدن واز کیچمهیاتدی» سرلوحهسی بیلن خبر بیردی.
خبرگه کوره، تورکيه هوتلچیلر فدراسیونی رهبری سروري چوره باتیر کروناویروس پاندیميسی گه قرشی قتّيق چیکلاولرگه قرهمهی، تورکيهگه دَم آلیشگه کیلهیاتگن سیاحلر وطنیگه کتّه تأثراتلر بیلن قَیتهیاتگنلیگینی تأکیدلهدی. «مهمانلریمیز مملکتیمیزده پاندیمي گه قرشی آلینهیاتگن چاره-تدبیرلرنی قانیقرلی دیب تاپگنی و صفتلی خدمتیمیزدن ممنون بولگنی اوچون اوز دولتیدهگی چیکلاولرگه قرهمهی تورکيهگه کیلیشماقده»،-دیب ایتگن.