تورکیه نینگ مطبوعات خلاصه لری

حریت گزیته سی: چاووش اوغلی بیرلشگن ملتلر تشکیلاتیده مهم بیانات بیردی سرلوحه سی بیلن خبر بیردی.

تشقی ایشلر وزیری مولود چاووش اوغلی توناون کونی بیرلشگن ملتلر تشکیلاتی عمومی کینگش فلسطین جلسه سیده اسرائیل نینگ فلسطین توپراقلریده گی اشغالی نینگ اداغگه ییتکیزیش اوچون خلق ارا همجمعیت نینگ سفربر ایتیلیشی کیره ک لیگینی ایتدی. چاووش اوغلی ییچیم نقشه سینی دنیاگه توشونتیردی. بیرلشگن ملتلر تشکیلاتی عمومی کینگشی نینگ مسؤلیتلرینی بجا کیلتیرمه گن لیگینی بیان ایتیب "عدالتسیزلیک قرشیسیده سیس سیز قالیش، قول اوریلگن جرم گه شزیک ب.لیش دیر" دیدی.

صباح گزیته سی: ایچکی ایشلر وزیری سویلودن مهم بیانات سرلوحه سی بیلن خبر بیردی.

ایچکی ایشلر وزیری سلیمان سویلو توناون کونی بیرگن بیاناتده تورکیه نینگ تروریزم گه قرشی کوره شده دنیاگه درس بیرگن لیگینی بیلدیردی. سویلو "برچه ترور تشکیلاتلرینی ساحه ده باسیب آلدیک. اینیقسه سونگگی پیتلرده ترور تشکیلاتلری نینگ اوزیچه یوقاری سویه لی ییتکچیلرینی قولگه آلیش گه باشله دیک. چونکه دایره تاره ییب بارماقده" دیدی.

خبر تورک گزیته سی: ساغلیقنی سقلش وزیری کوجه و پروفیسر شاهین دن بیانات سرلوحه سی بیلن خبر بیردی.

ساغلیقنی سقلش وزیری فخرالدین کوجه توناون کونی بیلیم کینگشی جلسه سی نینگ ارتیدن بیرگن بیاناتیده بیونتیک واکسینی اوچون 120 میلیون دوز اوچون کیلیشیب آلگن لیکلرینی قید ایتدی. ویدیو کنفرنس ارقه لی تماس الگن بینتیک اوست ییتکچیسی پروفیسور دوکتور اوغور شاهین 120 میلیون دوز اوچون قول قوییدیک. جون آیی نینگ سونگگی گچه 30 میلیون دوز، جولای – اگست و سپتامبرده 120 میلیون دوز بوله دی. انشالله بیرگه لیکده غلبه قازانه میز" دیب ایتدی.

یینی شفق گزیته سی: تورکیه 519 ماوی بیراقلی پلاجی بیلن دنیا مقیاسیده 3 – اورینده سرلوحه سی بیلن خبر بیردی.

اظرفانی سقلش و شهردارلیک وزیری مراد کوروم تورکیه نینگ جاری ییلده 519 ماوی بیراقلی پلاجی بیلن دنیا مقیاسیده 3- ایکن لیگینی لیتدی. کوروم "اورونیشلریمیزنینگ مکافاتینی بوگون ینه بیرته آلگنلیگیمیز اوچون فخرلنه میز. 2023 ییلی هدفیمیز ایسه دنیا بیرینچی لیگی" دیب ایتدی.

ستار گزیته سی: براق ییلمز یینه فخرلنتیردی سرلوحه سی بیلن خبر بیردی.

فرانسه لیگ 1 ده لیل ده اوینه گن ملی فوتبالچی براق ییلمز لیگده آی نینگ فوتبالچیسی ایتیب سیلندی. ییلمز دسامبر و اپریل آییده هم آی نینگ فوتبالچیسی ایتیب سیلنگندی.