تورکیه نینگ مطبوعات خلاصه لری

خبر تورک گزیته سی: آق قویوده 3- بولیم نینگ بنیادی قوییلدی سرلوحه سی بیلن خبر بیردی.

توناون کونی آق قویو نوکلر سنترالیده 3- ریئاکتورنینگ بنیاد قوییش مراسمیده گپیرگن جمهور باشلیغی رجب طیب ایردوغان "ملی انرژی زیربنامیزگه نوکلر کوچنی هم کیریتیش قراری، انرژی تداریک امنیتی جهتیدن آتیلگن ستراتیژیک بیر قراردیر"دیدی. ایردوغان انرژی ساحه سیده کتته دولتلر قطاریگه اورین آلگن بیر تورکیه بوله جگینی ایتدی.

حریت گزیته سی: چاووش اوغلی: اورته آسیاده آچیله دیگن ایلک معارف بنیادی مکتبی بوله دی سرلوحه سی بیلن خبر بیردی.

تشقی ایشلر وزیری مولود چاووش اوغلی توناون کونی رسمی سفر آرقه لی بارگن قرغزستانده معارف بنیادی نینگ بو اولکه ده مکتبلر آچه جگینی و تورت تیلده اوقیتیش خذمتی بیره جگینی بیلدیردی. چاووش اوغلی " اورته آسیاده آچیله دیگن ایلک معارف بنیادی مکتبی بوله دی. بو هم قرغزستانگه بیریلگن اهمیت نی کورسته دی" دیدی.

وطن گزیته سی: آقر آلبانیالیک کسبداشی بیلن اوچره شدی سرلوحه سی بیلن خبر بیردی.

ملی مدافعه وزیری خلوصی آقر توناون کونی پایتخت انقره ده آلبانیا مدافعه وزیری نیکو پلشی بیلن اوچره شدی. اوچره شووده اوز ارا و منطقوی خوفسیزلیک و مدافعه موضوعلری بیلن بیر قطارده مدافعه صنایعده همکارلیک امکانیتلری بیلن تیگیشلی فکر المه شووی عملگه آشیریلدی.

صباح گزیته سی: تورکیه بیلن یونان اورته سیده گی ینگی ملاقات نینگ تاریخی انیقلندی سرلوحه سی بیلن خبر بیردی.

تشقی ایشلر وزیرلیگی تورکیه بیلن یونان اورته سیده گی استشاری اوچره شوولرنینگ کیینگی توری نینگ جاری ییل نینگ 16-17 مارچ تاریخلریده آتن ده بولیب اوتیشیدن خبر بیردی.

ستار گزیته سی: تورک زره لیسی اژدر یالچین 4+4 دن یوتوقلر سرلوحه سی بیلن خبر بیردی.

تورکیه مدافعه صنایعی چوکاتیده ایجاد ایتیلگن تکتیک ارابه لی زره لی واسطه اژدر یالچین 4+4 صادرات بوییچه قولگه کیریتگن یوتوقلرگه ینگی لرینی قوشماقده. هم ناتو همده بیرلشگن ملتلر تشکیلاتی چوکاتیده فایده لنیلگن یگانه تورک واسطه سی بولیب یوتوق قولگه کیریتگن تورک زرهی تژدر یالچین 4+4 ایندی بیر دنیا مارکی.