تورکیه نینگ مطبوعات خلاصه لری
مطبوعات
صباح گزیتهسی: ایردوغان: آخرگی وقتلرده یورتیمیزگه خلقارا سرمایه کیریشلری آرتماقده سرلوحه سی بیلن خبر بیردی.
جمهور باشلیغی رجب ایردوغان ایردوغان ویدیوکنفرانس آرقهلی اویوشتیریلگن نوبتدهگی بوغازایچی جلسه سیده اشتراک ایتدی. اونده اوسیش بوییچه تورکيه نینگ چیندن کیین ایکّینچی اورینده ایکنینی افاده ایتگن حالده، «آخرگی وقتلرده یورتیمیزگه خلقارا سرمایه کیریشلری آرتماقده». -دیگن افادهلرگه اورین بیردی.
یینی شفق گزیتهسی: انگلستان باش وزیری بوریس جانسن پ ک ک ترور تشکیلاتینی قارهلهدی.
انگلستان باش وزیری بوریس جانسن، جمهور باشلیغی ایردوغان بیلن تیلفون آرقهلی عملگه آشیرگن صحبتیده عراق نینگ غارا منطقهسیده شهید قیلینگن 13 نفر تورک فقراسی اوچون تعزیه اظهار ایتدی و قتل عام اوچون پ ک ک ترور تشکیلاتینی قارهلهدی.
خبر تورک گزیتهسی: اوپپونینگ توزله فابریکهسی 1000 کیشینی ایش بیلن تأمینلهیدی سرلوحه سی بیلن خبر بیردی.
صنایع و تکنالوژي وزیری مصطفی ورهنک، چین نینگ اوپپو شرکتی نینگ استانبول نینگ توزله تومنیده قوریلیش ایشلری دوام ایتگن فابریکهسیده تیست اوچون محصولات ایشلب چیقریشنی باشلهگنینی معلوم قیلدی. مصطفی ورهنک، فابریکه نینگ بوتونلهی ایشلب چیقریش باسقیچیگه اوتگچ، 1000 کیشی اوچون ایش اورنی یرهتیلیشی کوتیلگنینی قید ایتدی.
ستار گزیتهسی: فقطگینه تورکيهده ییتیشتیریلماقده سرلوحه سی بیلن خبر بیردی.
تورکيه نینگ آرتوین ولایتی نینگ هوپه تومنیده فقطگینه تورکيهده اوسگن قوزی قرین نینگ اولترا - ایندیمیک توری تاپیلدی. اسپارتهلیک اوقیتووچی اوغوزخان قیغوسوز تامانیدن انیقلنگن قوزی قرین نینگ بو توری، فقطگینه تورکيهده اوسگنی اوچون «پلاوتیوس اناطولیکوس» دیگن نام بیلن رویخط گه آلیندی.
حریت گزیتهسی: روس سیاحلر، کیک اواده یاز موسمیدهگیدیک دَم آلدی سرلوحه سی بیلن خبر بیردی.
تورکيه نینگ انتاليا ولایتیگه قرهشلی دیمری تومنیده هوا نینگ ایسیشی بیلن روس سیاحلر سانی کوپهیه باشلهدی. دیمریگه کیلگن روس سیاحلر، اورته ییر دینگیزی نینگ ماوي سوولریده کیمه سفریگه چیقیب، دینگیزگه شومغیدی. روس سیاحلر دیمری و کیک اوا منطقهسی نینگ جنتدیک چیرایلی ایکنینی، شو باعث هم دَم آلیش اوچون تومنگه تکرار کیلیشلرینی بیلدیردی.