تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیته‌سی: ایردوغان: اقتصادده کوچلی اوسیش اوچون کیره‌کلی اصلاحاتلرنی عملگه آشیریه‌پمیز سرلوحه سی بیلن خبر بیرماقده.
دولت باشلیغی رجب طیب ایردوغان توناون بیرگن بیاناتیده تعلیم - تربیه، ساغلیکنی سقلش، ترانسپورت، انرژی، صناعت، سودا کبی هر ترماقده فعالیت ایچیده ایکنلیکلرینی قید ایتدی. ایردوغان، «اقتصادده کوچلی اوسیش اوچون کیره‌کلی اصلاحاتلرنی عملگه آشیریه‌پمیز. بیز تعقیب قیلگن سیاستلرنی قرارلیلیک بیلن یولگه قویماقده‌میز. یورتیمیزنینگ ظرفیتی، سرمایه‌سی، سرمایه کیریتیش، ایشلب چیقریش، اوسیش و صادراتگه یونه‌لتیریلگن یانداشوو بیلن سفربر قیلماقده‌میز» دیگن افاده‌لرگه ا‌ورین بیردی.
خبر تورک گزیته‌سی: چاووش اوغلی ماس بیلن اوچره‌شدی سرلوحه سی بیلن خبر بیردی. تشقی ایشلر وزیری میولوت چاووش اوغلی پایتخت انقره‌ده آلمانلیک کسبداشی هیکو ماس بیلن اویوشتیرگن اوچره‌شووی آرتیدن بیاناتلر بیردی. ایکّله وزیر تورکيه و اروپا اتفاقی اورته‌سیده‌گی مناسبتلرده کیله‌جک تامان یول آلینیشی کیره‌کلیگینی قید ایتدی.
یینی شفق گزیته‌سی: خلوصی آقر: «پی کاکاگه قرشی کوره‌شده عراق بیلن هر قنده‌ی همکارلیککه تیارمیز».
توناون عراققه رسمي سفر اویوشتیرگن ملي مدافعه وزیری خلوصی آقر، پی کاکا ترور تشکیلاتیگه قرشی کوره‌شده همکارلیک و کوردیناتوری نینگ اهمیتیگه اعتبار قره‌تگن حالده، «عراق بیلن هر قنده‌ی همکارلیککه تیارمیز. یگانه مقصدیمیز خلقیمیز و چیگره‌لریمیزنینگ خوفسیزلیگی، تینچ - تاتوو عمر سوریش، حق و منفعتلریمیزنی حمایه قیلیشدیر» دیدی.
ستار گزیته‌سی: تورکه‌لی - 1 ده‌گی بورغولش فعالیتلری تماملندی.
سکريه گاز ساحه‌سیده‌گی طبيعي گاز کشفیاتی آرتیدن بورغولش ایشلری عملگه آشیریلگن تورکه‌لی - 1 ده‌گی فعالیتلر 77 کونده موفقیتلی روشده تماملندی. اوز فعالیتینی 5 - نوامبر کونی باشله‌تگن فاتح بورغلش کیمه‌سی تورکه‌لی - 1 قودوغیده، 3 مینگ 920 متر چوقورلیککچه بورغولش ایشلرینی عملگه آشیرگن.
صباح گزیته‌سی: انگلستان‌لیکلرنینگ تنلاوی 2020 - ییلی ینه موغلا بولدی سر لوحه سی بیلن خبر بیرماقده.
مشهور توریزم مرکزلریدن بیری موغلا، ینگی تور کرونا‌ویروس کوید - 19پاندیمي گه قره‌مه‌ی تقدیم ایتیلگن خوفسیز و ساغلام توریزم خدمتی آرقه‌لی ینه انگیلیزلر نینگ واز کیچیلمس دَم آلیش مسکنیگه ایلندی. موغلا‌گه اوتگن ییلی 695 مینگ 314 سیاح کیلدی. اینگ کوپ انگلستان (309 مینگ 717)، روسيه (159 مینگ 397)، اوکراین (127 مینگ 564)، پولند (17 مینگ 424) و جرمني (16 مینگ 313) دن سیاح کیلدی.
