تورکیه مطبوعاتی دن خلاصه لر 23.12.2020

ینی شفق روزنامه سی, تورکیه جمهوریتی ملی مدافعه وزیری خلوصی آقر نینگ, یونان تامانیدن اعلان ایتیلگن ناوتکس توغریسیده بیانات بیرگن لیگی نی بیلدیرماقده. 

خبرده, آقر نینگ بیاناتیده, "قوشنی میز 3 آی ده 46 ناوتکس, 1 اکتوبردن باشلب ایگه ی و اورته ییر دینگیزی ده توپلم 22 تعلیم ساحه سی اعلان ایتدی.  بولر دن فقط گینه ایککی سی دن استفاده ایتدی.  بولرنینگ یخشی قوشنی چیلیک مناسبت لری نینگ ضدی ایکن لیگی نی اولر گه ینه بیر مرته ایسلتماقچی میز" دییه قید ایتگن لیگی بیلدیریلماقده. 

صباح روزنامه سی, تورکیه نینگ عروج رئیس سیسمیک تحقیقات کیمه سی نینگ اورته ییر دینگیزی ده فعالیت لری نی آلیب باره دیگن ساحه اوچون میلادی 2021- ییل 15 جون گه قدر ناوتکس اعلان ایتیلگن لیگی نی معلوم قیلماقده. 

ستار روزنامه سی تورکیه نینگ قیصری ولایتی ده گی قیصری ارجیَز عالی بیلیم یورتیده کرونا ویروس گه قرشی ایشلب چیقاریلگن واکسین نینگ فاز 2 تحقیقات لری نینگ دوام ایتیاتگن لیگی نی یازماقده. 

خبرده, اوشبو واکسین نینگ 25 دسامبردن کیین کونگللی کیشی لر گه تطبیق ایتیله باشله نه دیگن لیگی معلوم قیلینماقده. 

وطن روزنامه سی, جهان ساغلیق نی سقلش تشکیلاتی نینگ, تورکیه نینگ قری کیشی لرنینگ یشیاتگن مرکز لر ده کرونا ویروس گه قرشی آلینگن تدبیر لر توغریسیده تورکیه نی مقته گن لیگی نی معلوم قیلماقده. 

خبرده, اوشبو تشکیلات تامانیدن بیریلگن بیاناتده, "تورکیه, قری لرنینگ یشیاتگن مرکز لر ده کیره کلی تدبیر لر نی آلیب قری لرنی کووید 19 دن قوریدی" دییه قید ایتگن لیگی ایسله تیلماقده. 

حریت روزنامه سی, تورکیه نینگ بیله جیک ولایتی نینگ سوغوت تومنی ده گی معدن ساحه سیده 3,5 میلیون اونس لیک آلتین نینگ موجودیتی نینگ انیقلنگن لیگی نی بیلدیرماقده. 

خبرده, اوشبو آلتین نینگ حاضرگی کونده گی ارزشی نینگ تقریباً 6 میلیارد دالر ایکن لیگی ایسله تیلماقده.