تورکیه نینگ مطبوعات خلاصه لری
تورکیه نینگ مطبوعات خلاصه لری
ستار گزیته‌سی: ایردوغان، کوید – 19 گه قرشی کوره‌شده بوتون دنیانی بیردملیککه چقیردی.
جمهور باشلیغی رجب طیب ایردوغان، بیرلشگن ملتلر تشکیلاتی عمومی کینگشی نینگ «کوید – 19 » گه قرشی کوره‌ش گه اتلگن مخصوص مجلسیده ویدیو کنفرانس آرقه‌لی اشتراکچیلرگه خطاب ایتدی. ایردوغان، «خلق‌ارا همجمعیت، ۲۱ عصر نینگ اینگ ییریک گلوبال سیناوی (ینگی تور کرونا‌ویروس) آلدیده. بو مرکّب دورنی یینگیب اوتیش نینگ اینگ توغری یولی، خلق‌ارا همکارلیک و گلوبال بیردملیکدیر» دیگن افاده‌گه ا‌ورین بیردی.
حریت گزیته‌سی: ایردوغان آذربایجان نینگ توپراق بوتونلیگی گه اعتبار قره‌تدی.
جمهور باشلیغی رجب طیب ایردوغان ایران جمهور باشلیغی حسن روحاني بیلن بولگن اوچره‌شوویده، تاغلی قاره‌باغ مسأله‌سیده ینگی دورگه کیریلگنینی ایسله‌تیب اوتگن حالده بو دورده آذربایجان نینگ توپراق بوتونلیگی و مستقللیگه سایه توشیره‌دیگن هر قنده‌ی حرکتدن قول تارتیلیشی مهم ایکنینی تأکیدله‌دی. اونده شونینگدیک، ابدي تینچلیک و برقرارلیک نینگ ینگی امکان پنجره‌لری آچیشینی، بونینگ ارمنستان داخل برچه منطقه دولتلری نینگ فایده‌سیگه بولیشینی افاده ایتدی.
یینی شفق گزیته‌سی: تورکيه نینگ آذربایجانگه قورال صادراتی 600 فایزگه آرتدی.
تورکيه نینگ حربي ترماقده‌گی قوللب – قوّتلشی یاردمیده تاغلی قاره‌باغده تاریخي غلبه‌نی قولگه کیریتگن آذربایجان، شو ییل نینگ جنوری آییدن باشلب نوامبر آییگچه تورکيه‌دن 256 میلیون دالرلیک قورال خرید قیلیب آلدی. راپپه – راسه 44 کون دوام ایتگن اوروش چاغیده آذربایجان، ارمنستان نینگ قریب 3.5 میلیارد دالرلیک زیان کوریشینی تأمینله‌دی. ارمنستان قوشینی اونلب هوا مدافعه تیزیمی، یوزلب تانک و زره لی واسطه‌سینی قولدن بای بیردی.
صباح گزیته‌سی: واکسیننی تاپگن تورک عالِملر، مهاجرلر حقیده‌گی توشونچه‌نی اوزگرتیره‌دی.
کرونا‌ویروسگه قرشی واکسیننی اویلب تاپگن و بوتون دنیا تامانیدن دو – دو گپ بولگن تورک عالِملر اوغور شاهین و اونینگ تورموشی اوزلیم توریجی، امریکا نینگ وال ستریت جورنا‌ل» و «نیو یورک تایمس» گزیته‌سی نینگ باش صحیفه‌لریده ا‌ورین آلدی. معلوماتلرده، تورک شفاکارلر نینگ بو موفقیتی مهاجرلر جمعیتیگه ایجابي جهتدن تأثیر قیلیشی، غرب دولتلریده مهاجرلرگه قرشی اوج آلگن سلبي کوز قره‌ش نینگ یوق قیلینیشیگه یول آچه‌دیگن درجه‌ده مهم ایکنی تأکیدلندی.
خبر تورک گزیته‌سی: تورک عالِملردن کوید – 19 گه قرشی بورون سپرییی.
انقره، بیلکینت و حاجت تیپه یورتلری عالِملری نینگ مشترک فعالیتی نتیجه‌سیده، کرونا‌ویروس نینگ حجره‌گه کیریشیگه توسیقلیک قیلگن سپریی اویلب تاپیلدی. حیوانلر اوستیده‌گی سیناولری موفقیتلی نتیجه بیرگن بورون سپرییی، ایندیلیکده کونگیللی کیشیلر اوستیده سینه‌ب کوریله‌دی. دوکتور اوراتو شکر، سپریی نینگ پاندیمي نی سیکینلشتیریشیگه ایشانچی کامل ایکنینی قید ایتدی.
