تورکیه نینگ مطبوعات خلاصه لری

خبر تورک گزیته‌سی: جمهور باشلیغی ایردوغاندن شمالی قبرس تورک جمهوریتیده مهم پیاملر دیب خبر بیره دی.

تورکیه جمهوریتی دولت باشلیغی رجب طیب ایردوغان شمالی قبرس تورک جمهوریتی نینگ 37 – ییل لیگی ماسبتی بیلن اویوشتیریلگن مراسم گه قتنشدی. ایردوغان شمالی قبرس تورک جمهوریتی نینگ سیاسی وضعیتی توغریسیده قبرسده 1963 – ییلی قورال کوچی بیلن بوزیلگن 1974 – ییل تونتروو بیلن بوتونله ی اورته دن کوتریلگن میداننی روملر بیلن قیته دن تاسیس ایتیش ممکن ایمس دیر" دیدی.

ستار گزیته سی: تاتار: هیچ کیم بیزنینگ تورکیه بیلن علاقه میزنی کیسیب تشلش نی کوتمه سین

شمالی قبرس تورک جمهوریتی جمهور باشلیغی ایرسین تاتار شمالی قبرس تورک جمهوریتی نینگ 37 – ییل لیگی ماسبتی بیلن اویوشتیریلگن مراسمده صحبت قیلدی. قبرس نینگ منطقه و دنیاگه مثال تشکیل ایتووچی بیر تینچلیک آرالی بولیشی اوچون تورک تامانی نینگ حقلریدن و حاکمیتیدن وازکیچمه ی آدیملر آتیش گه تیار ایکن لیگینی ایتدی. تاتار هیچ کیم بیزدن تورکیه نینگ تاثیرلی و عملاً ضامنلیگیدن واز کیچیشمیزنی، تورکه بیلن علاقه میزنی کیسیب تشلش نی کوتمه سین. بیز بو کونلرگه قنداغ کیلگنیمیزنی یخشی بیله میز" دیدی.

حریت گزیته سی: دنیاگه امید بیرگن پروفیسور دوکتور اوغور شاهین کروناویروس بیلن تیگیشلی حساس گپلر ایتدی

اوتگن هفته کروناویروس گه قرشی ایلک یوتوقلی واکسین نی اعلان قیلگن بیئونتیچ شرکتی نینگ یوقاری سویه لی اداره چیسی پروفیسور دوکتور اوغور شاهین بو ییل قیشده واکسین بیلن انفکسیون اوستیده کوپ تاثیر بولمه یدی. بیراق هرنرسه توغری شکلده کیتگنده قیش نینگ اخری کیلگوسی ییل نینگ باشیده ترقه تیش گه باشله یمیز. یازگچه کتته تاثیر قالدیرمه یدی. یازنینگ انفیکسیون سرعتی توشه دی. خزانگچه سرعت بیلن واکسینلش درجه سیگه باره میز. شونده ی بولیب کیلگوسی ییل نینگ قیش فصلیده نورمال بولیشی ممکن" دیب ایتدی.

یینی شفق گزیته سی: ملی تیرمه جماعه سی 1-0 دن کیلیب روسیه نی 3-2 بیلن مغلوبیت گه اوچره تدی.

تورکیه ملی تیرمه جماعه سی اولوسلر لیگیده گی 5- اوچره شوویده 1-0 دن کیلیب روسیه نی 3-2 بیلن مغلوبیت گه اوچره تیب گروپده بیرینچی غلبه سینی قازاندی.

صباح گزیته سی: لیوئیز همیلتون استانبولده دنیا قهرمانی بولدی

فورمولا 1 جهان بیلله شوولری نینگ 14- اوچره شووی بولمیش تورکیه گراند پریکسینی مرسیدیس پیلئوتی لیوئیز همیلتون قازاندی. بو یوتوق بیلن 7- مرته دنیا قهرمانی بولگن بریتانیالیک پیلوت فراری نینگ ایسکی افسانه پیلوتی میخائیل شیمایرنینگ ریکاردیگه شریک بولدی.