تورکیه نینگ مطبوعات خلاصه لری
تورکیه نینگ مطبوعات خلاصه لری
صباح گزېته‌سی:"ایردوغان: استقلال کوره شیمیز بیتمه یدی» سرلوحه‌سی بیلن خبر بیردی.
خبرده یازیلیشیچه، تورکيه جمهور باشلیغی رجب طیب ایردوغان توناون انقره‌ده تورکيه جمهوریتی نینگ 97 ییللیگی مناسبتی بیلن تشکیل ایتیلگن «ملي کوره‌ش» کورگزمه‌سی آچیلیشیده معروضه قیلدی.
«خلقیمیز نینگ استقلال کوره‌شی هیچ قچان تینمه‌یدی. مملکتیمیزنی یوقاری چوقّیلرگه آلیب چیقیشنی دوام ایتتیره‌میز»،-دیب ایتگن.
خبر تورک گزیته‌سی: «پوتیندن تاغلی قاره‌باغ ممسئله لری و تورکيه حقیده بیانات» سرلوحه‌سی بیلن خبر بیردی.
خبرده یازیلیشیچه، روسیه دولت باشلیغی ولادیمیر پوتین تاغلی قاره‌باغده‌گی ممسئله لرنی تینچ یول بیلن حل قیلیش بوییچه مذاکره‌لرده تورکيه هم اشتراک ایتیشی کیره‌کلیگینی معلوم قیلدی.
حریت گزیته‌سی: «فخرالدین التون فرنسه‌ده‌گی ترورچیلیک حرکتینی قاره‌له‌دی» سرلوحه‌سی بیلن خبر بیردی.
خبرگه کوره، تورکيه دولت رئیسلیک علاقه باشقرمه سی باشلیغی فخرالدین آلتون تویتر آرقه‌لی فر‌نسه‌ده صادر ایتیلگن ترورچیلیک حرکتینی قاره‌له‌دی.
«فر‌نسه نینگ نیتسس شهریده صادر ایتیلگن ترور هجومینی قطعیاً قاره‌له‌یمیز. بونده‌ی کور-کورانه صادر ایتیلگن وحشيلیک نینگ اسلام و مسلمانلر بیلن هیچ قنده‌ی علاقه‌سی یوق» دیب ایتگن.
یینی شفق گزیته‌سی: «سلجوق بیراقدار محلي اوچاق ماشینی تصویرینی نمایش قیلدی» سرلوحه‌سی بیلن خبر بیردی.
خبرگه کوره، تورکيه‌ده محلي اوچووچیسیز هوا واسطه‌لری ایشلب چیقریش کمپنیسی «بایقار» مدیری سلجوق بیراقدار تویتر آرقه‌لی توسه‌ش ماشین صنایعی فابریکه سیده ایشلب چیقریلگن اوچاق ماشینی نینگ تصویرینی نمایش قیلدی. بیراقدار بوتونله‌ی محلي امکانیتلر بیلن ایشلب چیقریلگن ماشین نینگ سیناودن اوتکزیلیش جریانیگه هم ا‌ورین بیردی.
ستار گزیته‌سی: «جمهور رئیسلیک سیمفونی آرکستریدن «جمهوریت کونی مناسبتی بیلن کتّه کنسرت دستوری» سرلوحه‌سی بیلن خبر بیردی.
خبرده یازیلیشیچه، توناون، 29 آکتو‌بر جمهوریت بیره‌می مناسبتی بیلن «بویوک جمهوریت کنسرتی» ناملی کتّه کنسرت دستوری تشکیل ایتیلدی. مذکور تدبیر انتا‌ليا‌ده‌گی پتره انتیک شهریده‌گی انجمنلر سراییده بولیب اوتدی.
