تورکیه نینگ مطبوعات خلاصه لری

ستار گزیته سی: ایردوغان ف-35 و س-400 بیلن تیگیشلی قتّیق جواب بیردی: امریکا قوشمه ایالتلری کیم بیلن اوینه یاتگن لیگینی بیلمه یپتی دیب بیرگن سرلوحه بیلن تورکیه جمهوریتی جمهور باشلیغی رجب طیب ایردوغان نینگ توناون کونی ملاتیا 7- ولایت کنگره سیده او بیلن تیگیشلی اجتماعی ترماق ارقه لی پیام ترقتگن هالندلیک افراطی راستگرا گیرت ویلدرس گه "حدینی بیل کیم بیلن یول آلگن سن حسابینی قیلدینگ می؟ فاشیزم بیزنینگ کتابده یوق، سیزنینگ کتابده بار. بیزنینگ کتابده اجتماعی عدالت بار" دیب عکس العمل کورستدی. ایردوغان امریکا قوشمه ایالتلریدن کیلگن ف-35 و س-400 بیاناتلریگه هم عکس العمل کورستیب ف-35 اوچون آدیم اتدیک، بیزنی تهدید ایتدینگیز. س-400 لرنی روسیه گه قیتیرب بیرینگ دیدینگیز. بیز قبیلعه دولتی ایمس میز. بیز تورکیه گه چیکلاو قیله میز دییشه دیلر. نیمه چیکلاوینگ بولسه کیچ قالمه ی عملی قیل. امریکا قوشمه ایالتلری کیم بیلن دانس قیلگنینی بیلمه یدی" دیدی.

صباح گزیته سی: چاووش اوغلی: ایندی توخته دیییش نینگ وقتی کیلدی

خبرده یازیلیشیچه، تورکيه تشقی ایشلر وزیری مولود چاووش اوغلی هالندلیک سیاستچی، افراطی راستگرا آزادلیک حزبی رهبری گییرت ویلدیرسگه اعتراض بیلدیریب، «حقیقتنی ایته‌دیگن بولسک، اروپا نینگ عرقچی و ملتچیلری ینه‌ اوزینی کورسه‌تدی. اسلامگه دشمنلیک بیلن یوتوقلی بولیشگه اورینماقده. اروپانینگ فاشیست سیاستچیلریگه ایندی بس دییش نینگ وقتی ییتیب کیلدی»،-دیدی.

حریت گزیته‌سی: «اروپاده‌گی خنک افاده‌لرگه علاقه باشقرمه سی باشلیغی فخرالدین التوندن کیسکین جواب» سرلوحه‌سی بیلن خبر بیردی.

خبرگه کوره‌، تورکيه جمهور رئیسلیک علاقه باشقرمه سی باشلیغی فخرالدین التون: «اروپا نینگ مسلمانلرگه نسبتاً دشمنلیگی و اولرنی رنجیده‌ قیلیش حرکتی تاباره‌ اوج آلیب باره‌یاتگن اسلام، تورکيه و ایردوغه‌نگه نسبتاً دشمنلیکدن فرق قیلمه‌یدی»،-دیدی. آلتون تویرده گی پیامیده اروپالیکلر شونی بیلیشلری کیره ککی بیز مسلمانلر، سیز بیزنی خواهله مه یسیز دیب هیچ بیر جایگه کیتمه یمیز. بیزگه حقارت قیلگنده ایریم یوزیمیزنی اوگیرمه یمیز. اوزیمیزنی و بیزگه باغلیق بولگن هرنرسه نی آخرگچه قوریقله یمیز و مدافعه قیله میز" دیگن لیگینی یازماقده.

خبر تورک گزیته‌سی: «خلوصی آقر پاکستاندن توریب ارمنستانگه خطاب قیلدی» سرلوحه‌سی بیلن خبر بیردی.

خبرگه کوره‌، تورکيه تامانیدن پاکستانگه صادر قیلینگن ملي کیمه‌ توناون کونی تورکيه ملي مدافعه‌ وزیری خلوصی آقر و پاکستان مدافعه‌ صنایع وزیری زبیده جلال خان اشتراکیده‌گی طنطنه‌لی مراسمده اوز ایگه‌سیگه تاپشیریلدی.

خلوصی آقر مراسمده سوزله‌گن نطقیده آذربایجان-ارمنستان ماجرالریگه توخته‌لدی.

«اوروش و انسانیت جنایتیگه قول اورگن ارمنیستان آذربایجان قوشینی آلدیده جواب بیرگنیدیک، تاریخ و خلق‌ارا حقوق آلدیده هم قطعیاً جواب بیره‌دی»،-دیب ایتدی.

یینی شفق گزیته سی: شمالی قبرس تورک جمهوریتی جمهور باشلیغی ایرسین تاتار: تورکیه دن کوچ آلماقده میز

شمالی قبرس تورک جمهوریتی جمهور باشلیغی ایرسین تاتار توناون کونی قیلگن صحبتیده تورکیه دن کوچ آلماقده میز. تورکیه بیلن تینگ فعالیت قیلیش بیزگه کوچ بیره دی. اینیقسه سونگی پیتلرده هایدرو کاروبن کانی نینگ یوزه گه چیقیشی و بونینگ تقسیم قیلیب الیشی اولکه نینگ کیلجگی اوچون انچه اهمیت گه سزاوار ایکن لیگینی بیلیب هردایم تورکیه بیلن حرکت قیلیش گه مجبور میز" دیب ایتدی.