تورکیه نینگ مطبوعات خلاصه لری
تورکیه نینگ مطبوعات خلاصه لری
حريت گزیته‌سی: مولود چاووش اوغلی آچیق گپیردی و معمانی حل قیلیش نینگ فقط‌گینه بیرته یولی بارلیگینی قید ایتدی. تشقی ایشلر وزیری مولود چاووش اوغلی، توناون آذربایجان نینگ انقره‌ده‌گی ایلچیخانه‌سیگه تشریف بویوریب، «بو معمانی حل قیلیش نینگ فقط‌گینه بیرته یولی بار. ارمنستان باسیب آلگن آذربایجان توپراقلرینی ترک ایته‌دی. ترک ایتمه‌گونچه، معما حل بولمه‌یدی. میدانده هم مذاکره‌ده هم آذربایجان نینگ یانیده‌میز. بو معمانی توبدن حل قیلیشنی خواهله‌یمیز.» دیدی.
صباح گزیته‌سی: علاقه بولیمی ییتکچیسی فخرالدین آلتون ف – 16 مسأله‌سیگه توخته‌لدی. جمهور رئیستلیک علاقه‌لر بولیمی ییتکچیسی فخرالدین آلتون تامانیدن توناون بیریلگن بیاناتده، تورک اوروش اوچاقلری نینگ ارمنستانگه عاید سو – 25 اوروش اوچاغاینی اوریب توشیرگنی حقیده‌گی ادعا نینگ یالغانلیگینی بیلدیردی. التون، «ارمنستان شونقه یالغان اویینلرگه مراجعت قیلیش اورنیگه تیزلیک بیلن باسیب آلگن توپراقلرنی ترک ایتسین.» دیگن افاده‌لرنی قید ایتدی.
خبر تورک گزیته‌سی: عمر چیلیک: «ارمنستان او ییرده اشغالچیدیر.» عدالت و ترقیات حزبی سوزچیسی عمر چیلیک توناون، حزب نینگ باش قرارگاه‌یده اویوشتیریلگن مرکزي اجرائیه کینگشی ییغیلیشی دوام ایتر چاغیده بیرگن بیاناتیده، تورکيه نینگ آذربایجان نینگ یانیده ایکنینی تأکیدله‌گن حالده، آذربایجان نینگ، اوز توپراغینی حمایه قیلیشگه حققی بار. قاره‌باغ، آذربایجان توپراغیدیر. ارمنیستان او ییرده اشغالچی.» دییه گپیردی.
وطن گزیته‌سی: «ینگی سویونچیمیز بار» دیگن سرلوحه بیلن بولیشیلدی.
تورکيه نینگ بیرینچی دینگیز قناتلی راکتی اتمه‌جه، قطار ایشلب چیقریش آلدیدن اینگ مرکّب تیستلردن ینه بیریدن موفقیتلی روشده اوتدی. جمهور رئیسلیک مدافعه صناعتی رهبری اسماعیل دیمیر، «ینگی سویونچیمیز بار.» دیب، اتمه‌جه راکتی حقیده‌گی آخرگی معلوماتلرنی بولیشدی. دیمیر بو باره‌ده، «توناون اتمه‌جه نینگ آخرگی یقین تیستلریدن بیری اوتکزیلدی. تیست موفقیتلی اوتدی. بو، اتمه‌جه نینگ آخرگیدن بیر آلدینگی تیستی، ینه بیرته تیستی قالدی. بو دیگنی تماملنیش عرفه‌سیده دیگنیدیر. قطار ایشلب چیقریش فعالیتلرینی بیر تاماندن باشله‌تیلیشینی کوتیه‌پمیز.» دیگن افاده‌لرگه ا‌ورین بیردی.
ستار گزیته‌سی: سپتامبر آیی اقتصادي ایشانچ ایندیکسی معلوم قیلیندی. تورکيه نینگ اقتصادي ایشانچ ایندیکسی، سپتامبر آییده 3.1 فایزگه آرتگن حالده 88.5 فایزگه ییتدی.
