تورکیه مطبوعاتی دن خلاصه لر 25.09.2020

وطن گزیته سی, توناوون تورکیه جمهوریتی جمهوررئیسی رجب طیب ایردوغان باشچیلیگیده بولیب اوتگن ملی خوفسیزلیک کینگشی ییغیلیشی آرتیدن ترقه تیلگن بیلدیروده, شرقی اورته ییر دینگیزی ده گی ینگیلیکلر توغریسیده, "تورک ملتی نینگ حاضرگی کون گه قدر بولگن لیگی دیک, بوندن کیین هم قوریقلیک, دینگیز و هوا ده گی حق و منفعت لری دن واز کیچمیدیگن لیگی ینه بیر بار بیلدیریلدی" دییه قید ایتیلگن لیگی نی معلوم قیلماقده. 

ستار گزیته سی, موجود پرسونلی گه کوره ینگی تور کرونا ویروس (کووید 19) واقعه سی سانی اینگ کم بولگن تورکیه جمهوریتی قوراللی کوچ لری نینگ, اوشبو موفقیتی بیلن امریکا قوشمه ایالت لری, روسیه, فرانسه, ایتالیا و انگلستان کبی اولکه لرنینگ اردو لری دن یخشیراق وضعیت ده ایکن لیگی نی یازماقده. 

حریت گزیته سی, تورکیه جمهوریتی خزانه و مالیه وزیری برات آلبیرق نینگ, تویتر آرقه لی بیرگن بیاناتیده, تورکیه جمهوریتی مرکز بانکی تامانیدن اعلان قیلینگن سپتامبر آیی موجود ظرفیت دن فایده له نیش میزانی نی بهالنتیرگن لیگی نی بیلدیرماقده. 

خبرده, آلبیرق نینگ اوشبو پیامیده, "ییل نینگ اوچینچی رُبعی ده سونگگی احصائیه لر مثبت دوام ایتماقده.  ظرفیت دن فایده له نیش میزانی, سپتامبر آییده 1,3 پاینت کوتریلیب 74,6 فایز گه ییتدی.  انشاءالله سونگگی ربع ده هم اوشبو وضعیت دوام ایتیب جاری ییل نی کوتیلگن دن هم یخشیراق بیر شکلده اداققه ییتیشتیرگن بوله میز" دییه قید ایتگن لیگی ایسله تیلماقده. 

خبرتورک گزیته سی, تورکیه نینگ غازی انتیپ ولایتیده تورکیه جمهوریتی صنایع و تکنالوژی وزیرلیگی بیلن تورکیه تکنالوژی تانیتیش وقفی ییتکچیلیگیده گی فضا و تکنالوژی فستیوالی نینگ باشله گن لیگی گه دقت قره تماقده. 

خبرده, اوشبو فستیوال نینگ آچیلیش مراسمی گه اشتراک ایتگن تورکیه جمهوریتی صنایع و تکنالوژی وزیری مصطفی وارانک نینگ, جاری ییل ده اوچینچی سی بولیب اوتیاتگن فستیوالده 100 مینگ دن آرتیق مراجعت نینگ موجود ایکن لیگی نینگ جوده یخشی بیر ینگیلیک دن عبارت بولگن لیگی نی بیلدیرگن لیگی معلوم قیلینماقده. 

صباح گزیته سی, ستلایت ایگه سی بولگن 30 اولکه دن بیری بولگن تورکیه نینگ بیشینچی نسل خبرلشیش ستلایتی دن عبارت تورکسات 5 ای نینگ, 30 اکتوبرده فضا گه یوباریله دیگن لیگی نی یازماقده. 

خبرده, ینگی ستلایت لرنینگ یوباریلیشی بیلن تورک ستلایت لرنینگ آسیاده, تورک جمهوریت لری داخل چین گه قدر بولگن منطقه, افریقا و اوروپا نی قمره یدیگن لیگی بیلدیریلماقده.