تورکیه نینگ مطبوعات خلاصه لری

صباح گزیته سی: ایردوغا‌ن: تورکیه دن بیرلشگن ملتلر تشکیلاتیده فلسطین گه کمک دیب بیرگن سرلوحه سیده دولت باشلیغی رجب طیب ایردوغا‌ن، بیرلشگن ملتلر تشکیلاتی  نینگ تشکیل تاپیشی نینگ 75 – ییللیگی مناسبتی بیلن اویوشتیریلگن ییغیلیشگه ویدیو کنفرانس آرقه لی قتنشر ایکن اسرائیل نینگ فلسطین گه قره ته باسیم، خشونت و زوروانلیک سیاستی آلیب بارگن لیگینی بیلدیردی. ایردوغان "فلسطین مسئله سی 1967 حدودلری اساسیده پایتختی بیت المقدس بولمیش مستقل، حاکمیتی بولگن بیر فلسطین تشکیل ایتیلیشی بیلن حل بوله دی" دیدی. 

خبر تورک گزیته سی: ایردوغاندن دنیاگه پیام دیب خبر بیرماقده

گزیته، جمهور باشلیغی ایردوغان نینگ بیرلشگن ملتلر تشکیلاتی نینگ ییغیلیشیده قیلگن صحبتیده قیسی اولکه ایشلب چیقرسه هم ایش آلیش گه تیار بوله دیگن واکسین نینگ بشریت نینگ مشترک استفاده قیلیشی گه تقدیم ایتیلیشی کیره ک لیگینی ایتدی. ایردوغان طبی مواد، داری تداریکی، واکسین ایشلب چیقریش فعالیتلری نینگ رقابت موضوعی بولمس لیگی بوییچه چقیریق قیلدی.

حریت گزیته‌سی: تورکیه اوچون شرقی اورته ییر دینگیزیده حقانیت بیرینچی اورینده توره دی

جمهور باشلیغی ایردوغان شرقی اورته ییر دینگیزیده کیلیشماوسیزلیکلرنینگ صمیمی بیر دیالوگ آرقه لی خلق ارا قانون اساسیده حقانیت گه ماس شکلده ییچیم تاپیش نینگ بیرینچی ترجیحلری ایکن لیگینی بیلدیردی. شرقی اورته ییر دینگیزیده گی قیرغاقداش اولکه لر آره سیده دیالوگ و همکارلیک ایجاد ایتیش بوییچه چقیریقلرینی تکرارله گن ایردوغان ایچیده قبرس تورکلری هم اورین آلگن منطقوی بیر کنفرانس اویوشتیریلیشینی تکلیف ایته میز" دیدی.

ستار روزنامه سی: تورکیه بیلن فرانسه اورته سیده تیلفون صحبتی: موضوع شرقی اورته ییر دینگیزی"

ایردوغان فرانسه جمهور باشلیغی مکرون بیلن تیلفون آرقه لی صحبت قیلدی. جمهور باشلیغی ایردوغان بو اوچره شووده شرقی اورته ییر دینگیزیده گی بحران نینگ سببی نینگ تورکیه نینگ و شمالی قبرس تورک جمهوریتی نینگ منطقه ده گی مشروع حقلرینی یوق دیب کوریلگن لیگی ایکن لیگی گه اشاره قیلیب فرانسه نینگ یونان و جنوبی قبرس نینگ بحران یراتووچی آدیملرینی قوللب – قوتله گن لیگی گه لال قالگن لیگینی بیلدیردی. 

یینی شفق گزیته سی: تورکیه دن یونانگه عسکری آگاهلنتیروو دیب بیرگن خبرده،

تورکیه لیمینی آرالی نینگ 1923 ییلیده لوزان کیلیشووی بیلن تعیین قیلینگن غیری عسکری جایگاهی نینگ اخلال قیلینگن لیگی اوچون اژه دینگیزیده ینگیدن ناوتیکس اعلان قیلدی. ترقه تیلگن اعلامیه ده "لیمین آرالی نینگ کیلیشوو بیلن تعیین قیلینگن جایگاهی اخلال قیلینگن دیر" دییلدی. مسؤللر اعللامیه نینگ 24 سپتامبر تورکیه وقتی بیلن ساعت 11:00 گچه ایکن لیگینی بیلدیردی. تورکیه اوتگن کونلرده هم شونقه بیر ناوتیکس سقیچ آرالی اوچون اعلان قیلگندی.