تورکیه نینگ مطبوعات خلاصه لری

یینی شفق روزنامه سی: جمهور باشلیغی ایردوغان یونان نینگ حرکتی نامعقول

جمهور باشلیغی رجب طیب ایردوغان یونان تامانیدن بیریلگن ناوتیکس اعلانی نینگ منطقه ده گی برچه کیمه لرنینگ قیرغاق و حرکت امنیتی نینگ خطرگه تشلاوچی بیر نامعقول بر یانداشوو" ایکن لیگینی قید ایتدی. ایردوغان "بوندن کیین منطقه ده یوز بیره دیگن هر سلبی حادثه نینگ یگانه سببی یونان، ضرر کوره دیگن هم فقط یونان اولکه سی بوله دی " دیدی.

صباح روزنامه سی: ایردوغان طبیعی گاز بوییچه اورته ییر دینگیزیدن هم مژده لی خبر کیله دی

جمهور باشلیغی ایردوغان قاره دینگیزده گی 320 میلیارد متر مکعب طبیعی گاز کشفی نینگ آرتیدن اورته ییر دینگیزیدن هم مژده لی خبر آله جکلرینی امید قیلگنینی ایتدی. ایردوغان عروج رئیس کیمه سی نینگ و اونگه همراهلیک قیلگن حربی کیمه لرنینگ فعالیتلریدن کیچیک بیر ادیم هم قیتمس لیگینی بیلدیردی.

وطن روزنامه سی: تورکیه دن یونانگه قرشی حرکت! حربی کیمه لر یول آله دی

یونان نینگ عروج رئیس فعالیت ساحه سیده حربی سینش اوتکزیشینی بیلدیریشی نینگ آرتیدن تورکیه دن ایلک عکس العمل کورستیلدی. ملی مدافعه وزیری خلوصی آقر، آتن اداره سی آلگن قرارنینگ بحراننی کوپه یتریشینی ایتدی. تورکیه نینگ شرقی اورته ییر دیتنگیزیده گی فعالیتلریده حقلی ایکن لیگینی قید ایتگن آقر، "بیزگه بیریلگن وظیفه نی بوگونگچه اینگ یخشی شکلده عملی قیلدی، بوندن کیین هم قیلیب دوام ایته میز" دیدی.

ستار روزنامه سی: قاره دینگیزده کتته راق طبیعی گاز ظرفیتی بار

جمهور رئیسلیک سوزچیسی ابراهیم قلین تورکیه نینگ قاره دینگیزده گی سکاریا گاز ساحه سیده 320 میلیارد متر مکعب طبیعی گاز منبعی کشف ایتیشینی باشلنغیچ دیب بهاله دی. تخنیک متخصصلریمیز بیزگه بوندن هم کوپراق حجم بولگن لیگینی ایته دی. کشف و قازوو فعالیتلری عین آنده دوام ایته دی" دیب ایتدی.

خبر تورک روزنامه سی: جولای آییده توریزم اوسدی

تورکیه گه جولای آییده کیلگن سیاح سانی آلدینگی ایگه قره گنده 4 قواتتدن کوپ اوسیب 214 مینگ 768 کیشیدن 932 مینگ 937 کیشی گه ییتدی. جولای اییده سیاحلر کیلگن حدود ایشیگی استانبول 32،36 (301 مینگ 930 کیشی) بیلن بیرینچی اورینده ایکن انتالیا بیلن ایدیرنه ایککینچی و اوچینچی بولدی.