تورکیه نینگ مطبوعات خلاصه لری

صباح روزنامه سی: اروپاده بیر ایلک بوله دی جمهور باشلیغی ایردوغان 19 اگستده آچه دی

تورکیه مستقل انرژی سیاستی دایره سیده کتته بیر انرژی سرمایه کیریتیلیشینی عملی قیله دی. ایلک محلی اینتگره قویاش انرژی سولر فابریکه سی 18 اگستده جمهور باشلیغی رجب طیب ایردوغان تامانیدن پایتخت انقره ده آچیله دی. ییل لیک سولر تولید ظرفیتی 500 میگوات بوله دی.

یینی شفق روزنامه سی: فاتح و یاووزدن کیین قانونی هم آقدینگیزگه چیقیش گه تیارلنماقده

تورکیه نینگ قازوو کیمه لرینی کینگه یتیریش اوچون فاتح و یاووز کیمه لریگه قوشیمچه اوله راق ساتیب آلینگن قانونی آتیده گی قازوو کیمه سی نینگ مرسین نینگ ناتو بندریده تیارگرلیک فعالیتلری باشله دی. 11 مینگ 400 متر چوقورلیگیده و 3 مینگ متر قازوو ظرفیتی بولگن قانونی کیمه سی آلتینچی نسل اولترا قازوو کیمه سی دیب اتلماقده.

حریت روزنامه سی: 7 تورک شرکتی کتته مدافعه شرکتلری قطاریده

تورک صنایع شرکتلری قولگه کیریتگن ریکاردلری بیلن خلق ارا مقیاسده گی کتته شرکتلر آره سیده مطرح بولیب بارماقده. امریکا قوشمه ایالتلریده گی عسکری میدیا ارگانی دیفنس نیوز مجله سی تامانیدن هر ییل نشر قیلینگن و دنیانینگ اینگ معتبر مدافعه صنایع رویخطی دیب تن آلینگن "دیفنس نیوز توپ 100" ده بو ییل تورک شرکتی سانی 5 دن 7 گه کوتریلدی.

خبر تورک روزنامه سی: امبر هیرد ایاصوفیه نی نشر قیلدی

استانبول گه کیلگن امریکالیک یولدوز صنعتچی امبر هیرد استانبول نی کیزیب دوام ایتماقده. بو مرته یاپیق بازار، ایاصوفیه مسجدی و سلیمانیه مسجدی باریب کیزدی. اجتماعی ترماق ارقه لی استانبول نی نشر قیلیب بو شهرگه عاشق بولدیم دیدی.

وطن روزنامه سی: اوی ساتیشلری تیپه ده

تورکیه مقیاسیده اوی ساتیشلری جولای آییده اوتگن ییل گه نظراً 124،3 فایز کوپه ییب 229 مینگ 357 بولیب ریکارد اورنتدی. خزینه و مابلیه وزیری برات آلبیراق تویتر ارقه لی نشر قیلیب 250 سکتورنی حرکت گه اوتکزگن ساختمان سکتوری نینگ حرکت قیلیش گه دوام ایتگنینی معلوم قیلیب اوی ساتیشلریده برچه زمان نینگ ریکاردینی اورنه تگنینی ایتدی.