تورکیه نینگ مطبوعات خلاصه لری

صباح روزنامه سی: ایردوغاندن بیاناتلر

جمهور باشلیغی رجب طیب ایردوغان توناون کونی ملی استخبارات تشکیلاتی استانبول حوزوی باشقرمه سی ینگی بناسی نینگ آچیلیش مراسمیده ایا صوفیه نینگ عبادت اوچون اچیلگنی گه دقت قره تیب "استانبول نینگ تورک توپراغی بولیشینی هزم قیلالمه گنلر بار" دیدی.

وطن روزنامه سی: ملی مدافعه وزیرلیگیدن یونان گه قتتیق عکس العمل

ملی مدافعه وزیرلیگی یونان نینگ سلانیک شهریده تورک بیراغی نینگ یاقیلیشینی قتتیق قاره له دی. ملی مدافعه وزیرلیگی نینگ تویتر آدرسیدن بیریلگن بیاناتده، "بو و بونگه اوخشش تحریکی حرکتلرنینگ تیزده اداغگه ییتکیزیلیشینی خواهله یمیز. شرفلی بیراغیمیزگه اوریلگن کیرلی قوللر سینه دی" دیب افاده ایتیلدی.

خبر تورک روزنامه سی: تازه میوه صادراتی پاندیمی پیتیده 45 فایز کوپه یدی

اژه منطقه سی تازه میوه و سبزه جان صادراتچیلر بیرلیگی جاری ییل نینگ ایلک چهاریگیده 45 فایز کوپه ییب 137 میلون دالرگه ییتدی. بیرلیک باشلیگی خیرالدین اوچاق "گلاس صادراتیده جمهوریت تاریخی نینگ ریکاردی اورنه تیلدی و 212 میلیون دالر قولگه کیریتیلدی" دیدی.

ستار روزنامه سی: روسیه بیلن تورکیه اورته سیده گی اوچاق اوچیشلری نینگ قیته دن باشله شی روس توریزم سکتورینی خرسند قیلدی

روسیه بیلن تورکیه اورته سیده گی اوچاق اوچیشلری نینگ قیته دن باشله شی بیلن تیگیشلی قرارنی خرسنلیک بیلن کوتیب آلگن روس توریزم سکتوری مسؤللری تورکیه اوچون تکت قیدیرووی نینگ 5 قوات کوپه یگنینی بیلدیردیلر.

حریت روزنامه سی: توریستلرگه کوید-19 نی اوز ایچی گه آلگن ساغلیق بیمه سی آلقیش آلماقده

مدنیت و توریزم وزیری اورینباسری نادر آلپ ارسلان چیت ایللیک توریستلر اوچون تیارلنگن و ینگی تور کرونا ویروس (کوید-19) نی هم اوز ایچی گه آلگن ساغلیق بیمه سی نینگ علاقه کورگن لیگینی ایتدی. آلپ ارسلان سیاحلرنینگ بیمه نینگ هوا یول شرکتلریدن هم تامین ایتگن لیگینی معلوم قیلیب پاسپورت تیکشیروویدن آلدین قونلغه لرده آنلاین ساتیش آلیشلری نینگ ممکن ایکن لیگینی بیلدیردی.