تورکیه نینگ مطبوعات خلاصه لری

صباح روزنامه سی: ملی خوفسیزلیک کینگشی اعلامیه سیده لیبیا و آذربایجان تاکییدلندی

جمهور باشلیغی رجب طیب ایردوغان نینگ باشچیلیگیده بولیب اوتگن ملی خوفسیزلیک کینگشی جلسه سی نینگ آرتیدن یازمه بیانات بیریلدی. لیبیا توغریسیده دنیاگه کیسکین پیام بیریلدی. لیبیاده کیره کلی ادیملرنی آتیش گه تردید ایتمه یمیز" دییلدی. اعلامیه ده ارمنستان نینگ متجاوز یانداشووینی اداغگه ییتکیزیشی و اشغال آستیگه آلگن آذربایجان توپراقلرینی ترک ایتیشی کیره ک لیگی اورغولندی.

حریت روزنامه سی: ایردوغان ایا صوفیه بیلن تیگیشلی مهم پیام ترقه تدی

جمهور باشلیغی رجب طیب ایردوغان اجتماعی ترماق آرقه لی ایا صوفیه بیلن تیگیشلی پیام ترقه تدی. ایردوغان تامانیدن پایله شیلگن ویدیو کلیپ انچه تیلده ترجمه قیلیندی. ایردوغان کلیپده اشوله نینگ سوزلری هم بولمیش "ایاصوفیه شماللر تورسین قبه نگده حریت، تا ابددن سین بیزدن سن، بیز هم سیبندن..." افاده لر بیلن نشر قیلدی.

ستار روزنامه سی: تورک اردوسی نینگ همکارلیگی بیلن آزادلیک که ایریشدیک.

شمالی قبرس تورک جمهوریتی مجلس باشلیغی اورینباسری زورلی توره 1571 – ییلیدن بیری قبرسده موجودیتی بولگن قبرس تورکلری نینگ تورکیه اردوسی نینگ همکارلیگی بیلن آزادلیک که ایریشگن لیگینی بیلدیردی. توره تورک اردوسی کیلمسه قبرس آرالی هلنیزم گه تسلیم بولردی. برچه قبرسلیک تورکلر یا قتل بولردی ویا آرالدن کوچ قیلیب کیتیش گه مجبور بولردی" دیدی.

یینی شفق روزنامه سی: تورکیه ده گی اقتصادی جانلنیش دوام ایته دی

صنایع و تکنالوژی وزیری مصطفی ورنک پاندیمی گه قره مه ی تورکیه ده تولیدنینگ توخته مه گن لیگینی، اقتصادی کورستگیچلرده کوچلی بیر جانلنیش بولگن لیگینی بیلدیردی. برچه دنیاگه کتته تاثیر قالدیرگن شو دورده تورکیه نینگ ایریم اولکه لرگه قره گنده مثبت حرکت قیلگن لیگینی افاده ایتگن ورنک تورکیه ده گی اقتصادی جانلنیش نینگ دوام ایته جگینی اورغوله دی.

خبر تورک روزنامه سی: اروپا اعمار و ترقیات بانکی اینگ کوپ سرمایه کیریتیش نی تورکیه قیلدی

اروپا اعمار و ترقیات بانکی ییل نینگ ایلک یرمیده توپلم 5.1 میلیارد یورولیک سرمایه کیریتیش قیلگن لیگینی بیلدیردی. سرمایه کیریتیشلردن اینگ کوپ حقنی 1 میلیارد یورو بیلن تورکیه آلدی. تورکیه 2020 ییل نینگ ایل یرمیده اروپا اعمار و ترقیات بانکی نینگ توپلم سرمایه کیریتیشی نینگ 5 دن بیرینی آلگن بولدی.