تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: «تورکيه نینگ تکلیفی قبول قیلیندی» سرلوحهسی بیلن خبر بیرماقده.
خبرگه کوره، تورکيه، قطر، انگلستان، جرمني، فرانسه، ایتاليا، اردون، کویت، مراکش و هالند تامانیدن کیریتیلگن سوريهدهگی انسان حقلری بیلن باغلیق تکلیف بیرلشگن ملتلر تشکیلاتی انسان حقلری کینگشیده قبول قیلیندی. اوشبو تکلیف 27 قبول رای 2 ته رد رای بیلن قبول قیلیندی.
خبر تورک روزنامهسی: «وزیر آلبیراق: تورک اقتصادیدهگی اوسیش تخمینلردن یوقاری» سرلوحهسی بیلن خبر بیردی.
خبرگه کوره، تورکيه حزینه و مالیه وزیری برات آلبیراق تورکيهده مصرف قیلیووچیلر ایشانچ ایندیکسی نینگ جونده 5.2 فایزگه اوسیش کورستگیچیگه مناسبت بیلدیردی.
«نورمال حیاتگه قَیتیش جریانیده اقتصادیمیز جهان اقتصادیگه نسبتاً ینه-ده تیزراق ایزگه توشماقده. جون آییده استعمالچیلر ایشانچ ایندیکسیدهگی یوقاری کورستگیچ اقتصادیمیزدهگی ایجابي اوسیش درجهسینی عکس ایتتیرهدی»،-دیب ایتگن.
حریت روزنامهسی: «اینگ بویوک مدافعه صادراتیده امضالر چیکیلدی» سرلوحهسی بیلن بیرگن خبرده.
تورکيه بیلن پاکستان اورتهسیده مدافعه بوییچه اینگ ییریک ملي کیمه صادرات پروژهسی بیلن باغلیق همکارلیک شرطنامهسی گه قول قوییلدی. پاکستان دینگیز کوچلری اوچون ایشلب چیقریلهدیگن حربي کیمهلر تورکيه صناعتی و انجنیرلیک قابلیتی نینگ اوستونلیگینی کورستیش جهتیدن هم مهم اهمیت کسب ایتهدی.
صباح روزنامهسی: «دنیا لال قالگندی، آذربایجان تورکيهدن قوراللی اوچووچیسیز هوا واسطهسی خرید قیلهدی» سرلوحهسی بیلن خبر بیردی.
خبرگه کوره، تورکيه مدافعه صنایعی بوییچه عملگه آشیرهیاتگن کتّه تشبثلری بیلن دنیاده ایلغار دولتلر قطاریدن جای آلدی. نه فقط ترور تشکیلاتی پی کاکاگه قرشی کورهشده، بلکه سوريه و لیبیادهگی حربي عملیاتلرده اوستون خدمت کورسهتگن قوراللی اوچووچیسیز هوا واسطهلری (سیها) – قوراللی درانه لرگه بولگن طلب کوندن کونگه آرتماقده. شو کونلرده قرینداش آذربایجان تورکيهدن قوراللی اوچووچیسیز هوا واسطهلری خرید قیلیشینی معلوم قیلدی.
یینی شفق روزنامه سی: یونتوس 18 یشر تورک فوتبالچی نینگ ایزیدن توشگن دیب بیرگن خبرده.
مریخ دیمیرآل دن ممنون قالگن ایتالیانینگ دنیا مقیاسیده تنیقلی جماعه سی یونتوس حلی ایسه آلمان نینگ ویردر برمن جماعه سیده اوینه یاتگن ایرن دینچ نینگ ایزیدن توشگن. یونتوس اوزاق مدتدن بیری 18 یشر فوتبالچینی تعقیب ایتماقده. یاش فوتبالچی حلی گچه بی لیگیده 20 بیلله شووده 22 گول 12 اسیست بیلن اوینه دی.