تورکیه مطبوعاتیدن خلاصه لر 15.04.2020

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ توناوون, تلفن آرقه لی, شمالی قبرس تورک جمهوریتی باش وزیری ارسین تاتار بیلن اوچره شگن لیگی نی بیلدیرماقده.

خبرده, جمهوررئیس لیک ارتباط لر ریاستی تامانیدن بیریلگن بیانات گه کوره, اوشبو اوچره شوو جریانیده جمهوررئیس اردوغان نینگ, تورکیه نینگ کرونا ویروس گه قرشی کوره ش بوییچه شمالی قبرس تورک جمهوریتی نی قوللب- قوتله یدیگن لیگی  نی بیلدیرگن لیگی معلوم قیلینماقده. 

روزنامه, اوشبو اوچره شوو ده عینی دمده ایککی اولکه اورته سیده گی مناسبت لر و منطقه مقیاسیده گی ینگی لیک لر باره سیده بحث ایتیلگن لیگی نی یازماقده. 

صباح روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, بیرلشگن ملتلر تشکیلاتی خوفسیزلیک کینگشی نینگ ینگی تور کرونا ویروس (کووید 19) حقیده باش قاتیریش توغریسیده کیچ قالگن لیگی نی بیلدیرگن لیگی نی معلوم قیلماقده. 

خبرده, چاووش اوغلی نینگ, ویدیوکنفرانس آرقه لی بیرگن بیاناتیده, تورکیه نینگ هردایم خوفسیزلیک کینگشی ده اصلاحات نینگ ضروری ایکن لیگی نی بیلدیرگن لیگی نی معلوم قیلگن لیگی ایسله تیلماقده.

وطن روزنامه سی, ناتو عمومی سکرتری ینس استولتبرگ نینگ, کوووید 19 گه قرشی کوره ش بوییچه تورکیه نینگ اهمیتی گه دقت قره ترایکن, "ناتو نینگ چقیریق مرکزی بیرینچی مرته تورکیه دن انگلستان گه یاردم یوباریلیشی نی آسانلشتیریش اوچون استفاده ایتیلدی" دییه قید ایتگن لیگی نی بیلدیرماقده.

حریت روزنامه سی, تورک هوا یوللری شرکتی نینگ, کرونا ویروس گه قرشی کوره ش دایره سیده آلینگن تدبیرلر چوکاتیده چیت ایللر گه اوچیش لری نینگ همه سی نی 20 می گه قدر توخته تیب قویگن لیگی نی معلوم قیلماقده. 

ستار روزنامه سی, تورکیه نینگ بو موسم ده 180 میلیون دالرلیک قوریق انجیر ساتگن لیگی نی ایسلتماقده. 

خبرده, اژه صادراتچی لر بیرلیگی تامانیدن بیریلگن معلومات لر گه کوره, صادرات موسمی نینگ باشله گن 26 سپتامبر بیلن 4 اپریل گه قدر بولگن مدت مابینیده 179 میلیون 954 مینگ دالرلیک قوریق انجیر ساتیلگن لیگی بیلدیریلماقده.