تورکیه مطبوعاتیدن خلاصه لر 28.02.2020

ستار روزنامه سی, عدالت و توسعه حزبی نینگ سوزچیسی عمر چلیک نینگ, "قاتل رژیم و اونی قوللب- قوتلیاتگن لر اوشبو خائنانه حرکت نینگ حسابی نی آغیر بیر شکلده بیره دی" دییه قید ایتگن لیگی نی بیلدیرماقده. 

خبرده, تورکیه نینگ اوشبو خائنانه هجوم گه قرشی قتتیق جواب قیترگن لیگی نی بیلدیرگن چلیک نینگ, "تورکیه, سوریه ده گی حقلی کوره شی نی خلق ارا حقوق دن منشا آلگن حق لری دن فایده له نیب اوز هدفی گه نایل بولگونگه قدر دوام ایتتیریش بوییچه قرار لی" دییه قید ایتگن لیگی ایسله تیلماقده. 

صباح روزنامه سی, سوریه نینگ ادلب منطقه سیده اسد رژیمی نینگ هوایی هجومی نتیجه سیده شهید بولگن 33 نفر تورک عسکری نینگ انتقامی نینگ آلینه دیگن لیگی نی یازماقده. 

خبرده, رژیم و اونی قوللب – قوتلیاتگن تامان لر گه قتتیق جواب قیتیریلگن لیگی بیلدیریلرایکن, رژیم کوچ لری نینگ ییردن و آسمان دن اوریلیاتگن لیگی ایسله تیلماقده. 

روزنامه, سونگگی 17 کونده 1 مینگ 709 نفر رژیم منسوبی نینگ یوق قیلینگن لیگی نی بیلدیرماقده. 

خبرتورک روزنامه سی, تورکیه جمهوریتی ملی مدافعه وزیری خلوصی آقر نینگ, هوایی و پیاده کوچ لری قوماندان لری بیلن بیرگه ادلب ده گی فعالیت لرنینگ سوق و اداره ایتیلیاتگن تورکیه نینگ هتای ولایتی ده گی تکتیک قومانده مرکزی گه بارگن لیگی نی یازماقده. 

خبرده, آقر نینگ, خوددی شوو ییر نینگ اوزیده ادلب ده گی رژیم هدف لری گه قره تیلگن عملیات لر نی باشقریاتگن لیگی بیلدیریلماقده. 

حریت روزنامه سی, خلق ارا اعتبار نی انیقلش موسسه سی دن عبارت فیتچ نینگ باشلیغی داگلاس وینسلاو نینگ, تورکیه نینگ یقین کیله جکده اقتصادی کوچی نینگ آرتیب کیته دیگن لیگی گه ینه ده کوپراق ایشانیاتگن لیک لری نی بیلدیرگن لیگی نی یازماقده. 

خبرده, وینسلاو نینگ, "عینی دمده جاری ییل ده سرمایه گذارلیک میزانی نینگ هم 3 فایز مقیاسیده آرتیب کیتیشی نی کوتماقده میز" دییه قید ایتگن لیگی ایسله تیلماقده. 

روزنامه, وینسلاو نینگ, کیلگوسیده تورکیه نینگ اقتصادی کوچی نینگ 4,3 فایز مقیاسیده آرتیب کیتیشی نی تخمین ایتیاتگن لیک لری نی بیلدیرگن لیگی گه دقت قره تماقده. 

ینی شفق روزنامه سی, اوتگن آیده تورکیه نینگ استانبول شهری گه جوده هم کوپ توریست کیلگن لیگی نی بیلدیرماقده. 

خبرده, اوتگن ییل نینگ خوددی شوو دوری بیلن سالشتیریلگنده جاری آی نینگ جنوری آییده استانبول شهری گه کیلگن توریست لر سانی نینگ 10 فایز مقیاسیده آرتیب کیتگن لیگی ایسله تیلماقده. 

روزنامه, 2020- ییل جنوری آییده استانبول گه کیلگن چیت ایللیک توریست لر سانی نینگ 1 میلیون 17 مینگ کیشی گه کوتریلیب کیتگن لیگی نی معلوم قیلماقده. 

خبرده, عینی دمده انگلستان نینگ دیلی ایکسپرس روزنامه سی نینگ تورکیه نینگ کرونا ویروس بولمه گن لیگی اوچون مهم بیر توریستیک اولکه دن عبارت بولیشی نینگ ممکن ایکن لیگی نی بیلدیرگن لیگی ایسله تیلماقده.