تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامهسی: لیبیا تشقی ایشلر وزیری: «تورکيه تینچ اهالینی حمایه قیلیش اوچون کیلدی».
لیبیا ملي بیردملیک حکومتی تشقی ایشلر وزیری محمد الطاهر سیاله تورکيه نینگ پایتخت الطرابلسدهگی تینچ اهالینی حمایه قیلیش اوچون کیلگنینی ایسلهتیب اوتگن حالده، «تورکيهسیز بوگونگی وضعیتده بولیشیمیز امکانسیز ایدی. تورکيه نینگ لیبیاگه کیلیشی بیلن میدانده موازنت تیکلنماقده» دیدی.
یینی شفق روزنامهسی: توریزم 2020-ییلنی ریکارد اورنهتیش بیلن باشلهدی.
تورکيه نینگ توریزم ترماغی 2019-ییلنی ریکارد اورنهتیش بیلن یکونلر ایکن ینگی ییلنی هم ریکارد بیلن باشلهدی. بونگه کوره شو ییل نینگ جنوری آییده تورکيهگه 1 میلیون 787 مینگ 435 سیاح تشریف بویوردی. بو آرقهلی آلدینگی ییل نینگ شو آییگه نسبتاً چیت ایلّیک سیاحلر سانیده 16.11 فایز آرتیش کوزهتیلدی.
حریت روزنامهسی: تورک توریزمی کیلهسی ییللرده ینه-ده موفقیتلیراق بولهدی.
جهان سیاحلیک تشکیلاتی نینگ رئیسی اورینباسری گونتیر ایهلهئو، تورک توریزمی نینگ کیلهسی ییللرده ینه-ده موفقیتلیراق بولیشینی قید ایتدی. ایهلهئو، تورکيه نینگ آخرگی 20 ییلده توریزم ترماغیده جدل رواجلنگنینی قید ایتدی. قویاش، دینگیز و تاریخ نینگ تورکيهده طبيعي بیریکمه ایچیده ایکنلیگینی ییتکزگن ایهلهئو، دنیاده بو نینگ بی تکرار ایکنلیگینی اوز سوزیگه علاوه ایتدی.
وطن روزنامهسی: کییمخانه نینگ تورکيه حقیدهگی قراری.
کییم پرچون شرکتی پریمارک نینگ صاحبی AB Foods نینگ مالیوي بولیمی باشلیغی جاهن بسان نینگ قید ایتیشیچه، کروناویروس طفیلی ختایدن وارد قیلینگن کییم-کیچکلر نینگ ییتکزیب بیریلیشیده معمالر چیقماقده. شو باعث مسأله بعضی ییتکزیب بیرووچیلر شو جملهدن تورکيه بیلن هم قولگه آلینگن. فبروری آیی نینگ باشیده ختایده ایشلب چیقریلگن خلقارا تیار کییم-کیچک شرکتلری کرونا ویروس طفیلی بویورتمهلرینی ختای اورنیگه تورک شرکتلریگه بیریش اوچون اوچرهشوولر اوتکزه باشلهدی.
خبر تورک روزنامهسی: کروناویروس نینگ چارهسی تورکيهده بولیشی ممکن.
تورک عالِم، پروفیسور دوکتور ابراهیم بینتیر، اوزی ایشلب چیقرگن و ‘ACE2/Angiotensin-(1-7) دیب ناملنگن تیزیم آرقهلی ختایده باشلهگن و قیسقه وقت ایچیده بوتون دنیاگه یاییلگن ینگی توردهگی کروناویروسگه (کاوید-19) چاره تاپیلیشی ممکنلیگینی معلوم قیلدی. بینتیر، اویلب تاپگن یوللری نینگ بیمارلرگه شَفا بولیش احتمالی حقیده گپیردی. فعالیتلری نینگ یقینده یکونلنیشینی تأکیدلهگن بینتیر، «کروناویروسگه قرشی تورکيهده چاره تاپیلیشی ممکن» دیدی.