تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: «تورکيه نینگ کوچی دنیاده سیزیلماقده» سرلوحه‌سی بیلن بیرگن خبرده یازیلیشیچه، تورکيه جمهور باشلیغی رجب طیب ایردوغان تورکيه اقتصادي، حربي، سیاسي و مدني جهتدن هر جایده اوز کوچینی کورسه‌ته‌یاتگنلیگینی تأکیدله‌دی.
تورکيه نینگ صلاحیتینی خارجگه سفرلری چاغیده هم سیزیب تورگنلیگینی تأکیدله‌گن ایردوغان: «تورکيه بولگن هر جایده و بوتون دنیاده اوز کوچینی کورسه‌ته‌دیگن موقعگه ایریشدی»، دیدی.
خبر تورک روزنامه سی: «بیز قطعيمیز، مالیمیزنی و حققیمیزنی هیچ کیمگه مه‌یمیز» سرلوحه‌سی بیلن بیرگن خبرده یازیلیشیچه، تورکيه انرژی و طبيعي منبعلر وزیری فاتح دونمز شرقي اورته ییر دینگیزیده دوام ایته‌یاتگن هایدرو کاربون قیدیروو ایشلریگه دایر بیانات بیردی. منطقه‌ده قبرسلیک تورکلرنینگ حقی بارلیگینی تأکیدله‌گن فاتح دونمز هایدرو کاربون قیدیریش ایشلری دوام ایتیشینی معلوم قیلدی.
صباح روزنامه سی: روم ییتکچی اناستاسیئادیس نی قوللب – قوتله گن اولکه لر اونی قوتقرالمه یدی سرلوحه سی بیلن بیرگن خبرده بازیشیچه، فرانسیز "چرلیس دی گیل" آتیده گی حربی کیمه نینگ قبرس رومیده جایلشگن لیماسول بندیگه لنگر تشلشی گه شمالی قبرس تورک جمهوریتیدن قتتیق عکس العمل کورسه تیلدی. شمالی قبرس تورک جمهوریتی اقتصاد و انرژی وزیری حسن توچای: "روم ییتکچی و وزیرلری نینگ فرانسه کیمه سی بیلن توشگن تصویرلری توشونچه لرینی عکس ایتتیره دی" دیدی. توچاق قبرسده تورکیه نینگ و تورک عسکری نینگ موجودیتی نینگ اهمیتی ینه بیر مرته کوریلگن لیگینی قید ایتدی.
یینی شفق روزنامه سی: «مینگلب تورک آلمان‌ده‌گی هجومنی قاره‌له‌دی» سرلوحه‌سی بیلن بیرگن خبرده یازیلیشیچه، آلمان‌لیک تورکلر هیسسین ایالتیگه قره‌شلی هه‌نه‌ی شه‌هریده 19 فبروری کونی تونده ایکّی قهوه خانه گه صادر ایتیلگن و 10 کیشی نینگ اولیمیگه سبب بولگن قوراللی هجومنی قاره‌له‌دی. قربانلر آره‌سیده 4 نفر تورک هم بار. بو واقعه‌دن سونگ، مینگلب انسان آلمانده تروریزم و اسلام دشمن لیگی گه قرشی نمایش اوتکزدی. نمایش گه نه‌فقط آلمان نینگ تورلی شهرلریدن، بلکه اروپا نینگ باشقه دولتلریدن و حتا تورکيه‌دن هم جوده کوپلب نمایشچیلر اشتراک ایتیشدی.
حریت روزنامه سی: «تورک هوا یولی توریزم بوییچه پروازلر سانینی آشیرماقده» سرلوحه‌سی بیلن بیرگن خبرده یازیلیشیچه، تورک هوا یوللری بو ییل یاز موسمیده انتا‌ليا، ایزمیر، داله‌مان و بودرومگه هفته‌ده توپلم 98 پرواز عملگه آشیره‌دی. انتا‌ليا‌گه هفته‌لیک پروازلر سانی 100 فایز آشیریلیب، هفته‌ده 14 پروازگه چیقریله‌دی. داله‌مان قونلغه سیگه ایسه هفته‌ده لندندن 7 پرواز، مسکو‌دن 3 پرواز، عمان و کيفدن هفته‌ده 2 پرواز عملگه آشیریله‌دی. بادرومگه لاندان، قووه‌یت و مونیهدن هفته‌ده 4 مرته، ایزمیرگه برلین، مونیخ، دوسسیلدارف، همبورگ و کویتدن هفته‌ده توپلم 5 مرته پرواز عملگه آشیریله‌دی.
