تورکیه مطبوعاتیدن خلاصه لر 20.02.2020

حریت روزنامه سی, تورکیه جمهوریتی جمهوررئیسی رجب طیب اردوغان نینگ, توناون, عدالت و توسعه حزبی نینگ ییغیلیشیده قیلگن معروضه سیده سوریه نینگ ادلب منطقه سیده گی وضعیت بیلن علاقه لی مهم بیانات لر بیرگن لیگی نی معلوم قیلماقده. 

خبرده, اردوغان نینگ, "رژیم نینگ منطقه نی ترک ایتیشی بوییچه سونگگی کون لر, ایندی اینگ سونگگی هشدار لری میز نی بیرماقده میز.  ادلب ده بیر عملیات اویوشتیریلیشی ممکن.  رژیم و اونی حمایت قیلیاتگن تامان لر گه ادلب نی تاپشیریشی میز ممکن ایمس. تورکیه اوز پلانی نی تیارله گن وضعیتده.  هر عملیاتده بولگن لیگی دیک, 'کوتیلمه گن بیر حالتده بیر کیچه کیریب کیلیشی میز ممکن' دیماقچی میز" دییه قید ایتگن لیگی بیلدیریلماقده. 

ستار روزنامه سی, تورکیه جمهوریتی ملی مدافعه وزیری خلوصی آقر نینگ, ادلب ده گی ینگی لیک لر بیلن علاقه لی بیرگن بیاناتیده, "کوزه توو مرکز لری میز نی یاپیب قوییشی میز هیچ بیر شکلده ممکن ایمس.  اوشبو مرکز لری میز گه قرشی هر قنده ی بیر نرسه قیلینگن تقدیرده قتتیق جواب قیتره دیگن لیگی میز نی نی بیلدیردیک.  اوشبو سیاستی میز دوام ایته دی.  آتش کیسین نینگ تامین ایتیلیشی و قان توکیلیشی نینگ توخته تیلیشی اوچون تامان لرنینگ سوچی کیلیشووی گه مطابق حرکت ایتیش لری کیره ک.  بیز اوشبو کیلیشوو گه اویغون حرکت ایتماقده میز. باشقه لرنینگ هم شونده ی قیلیشی نی کوتماقده میز" دییه قید ایتگن لیگی نی یازماقده. 

خبرتورک روزنامه سی, تورکیه جمهوریتی پارلمانی نینگ باشلیغی مصطفی شنتوپ نینگ, فرانسه نینگ جمهوررئیسی امانوئل ماکرون نینگ, 'اسلامی ایریلیقچیلیککه' قرشی کوره شه دیگن لیک لری بیلن علاقه لی سوز لری گه عکس العمل کورستگن لیگی نی بیلدیرماقده. 

خبرده, شنتوپ نینگ, تویتر آرقه لی بیرگن بیانات لریده, "سهیل ده, لیبیاده تینچلیک نی بوزیب قویگن, مسلمان لرنینگ یشیاتگن جغرافیه لرده بحران ایجاد قیلیاتگن فرانسه جمهوررئیسی و کودتاچی حفتر گه سلاح تامین ایتیب بیریاتگن ماکرون نینگ,  'اسلامی ایریلیقچیلیککه' قرشی کوره شه دیگن لیک لری بیلن علاقه لی سوز لری اسلام گه قرشی دشمن لیک دن عبارت.  فرانسه نینگ بیرینچی دن تاریخ ده قیلگن عرقچیلیک و قیرغین لری گه قره شی کیره ک" دییه قید ایتگن لیگی ایسله تیلماقده. 

صباح روزنامه سی, اوتگن ییل ده 3 میلیون 464 مینگ توریست نینگ دنیا بویلب مشهور مسلمان متفکر مولانا جلال الدین محمد بلخی رومی نینگ تورکیه نینگ قونیه ولایتیده جایلشگن موزیمی نی کیلیب کورگن لیگی نی معلوم قیلماقده. 

خبرده, اوشبو موزیم نینگ ایچیده مولانا نینگ مقبره سی نینگ هم موجود ایکن لیگی گه دقت قره تیلماقده. 

وطن روزنامه سی, "بابام نینگ انسان لری" ناملی فلم نینگ هنگری پایتختی بوداپست ده نمایش ایتیلگن لیگی نی بیلدیرماقده. 

خبرده, بوداپست ده یونس ایمره انستیتوتی بیلن تورک- هنگری اوقووچی لر اویوشمه سی تامانیدن ترتیب لنگن بیر مراسم ده کورسه تیلگن اوشبو فلم نینگ کتته قیزیقیش بیلن تماشا قیلینگن لیگی گه دقت قره تیلماقده.