تورکیه مطبوعاتیدن خلاصه لر 31.01.2020

ستار روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, اوروپا پارلمانی ده تورک بیراغی نی ییرتگن یونان لیک عرقچی وکیل لوانیس لاگوس گه قتتیق عکس العمل کورستگن لیگی نی بیلدیرماقده. 

خبرده, چاووش اوغلی نینگ, "شانلی بیراغی میز گه قول اوزه تماقچی بولگن کیشی لرنینگ قول لری نی سیدیرگنی میز نی و اولر نی قنده ی قیلیب دینگیز گه تشله گن لیگی میز نی اینگ یخشی اوشبو عرقچی مییه لر بیله دی.  اوروپا نینگ یمان و عرقچی باله لری اوز حد لری نی بیلسین" دییه قید ایتگن لیگی ایسله تیلماقده. 

ینی شفق روزنامه سی, عدالت و توسعه حزبی نینگ سوزچیسی عمر چلیک نینگ توناون بیرگن بیانات لریده, اوروپا پارلمانی ده تورک بیراغی نی ییرتگن عرقچی یونان لیک وکیل گه عکس العمل کورسه ترایکن, "اوروپا پارلمانی, دموکراسی نی رواجلنتیریش اورنیگه عرقچی لر گه اورین اجره تیشی تقدیرده, اوروپا نینگ ارزش لری نی یوق ایتیش گه حرکت قیلیاتگن کیشی لرنینگ جایله شیب آلگن بیر مرکز گه ایله نیب قاله دی.  یونان لیک عرقچی وکیل فقط گینه اوزی نینگ شخصیت سیزلیگی نی کورسه تیب بیردی" دییه قید ایتگن لیگی نی معلوم قیلماقده. 

وطن روزنامه سی, تورکیه جمهوریتی تشقی ایش لر وزیرلیگی نینگ سوزچیسی حامی آقسوی نینگ, فرانسه جمهوررئیسی امانوئل ماکرون نینگ, تورکیه بیلن علاقه لی حقیقت بولمه گن سوز لری بیلن کون ترتیبی ده اورین آلیش نی آرزو ایتیاتگن لیگی نی بیلدیرگن لیگی نی یازماقده. 

خبرده, آقسوی نینگ, "فرانسه جمهوررئیسی امانوئل ماکرون بوگون یونان باش وزیری بیلن ترتیب له گن مشترک مطبوعاتی کنفرانسی جریانیده, اولکه میز بیلن علاقه لی حقیقت بولمه گن ادعا لر نی مطرح قیلیب کون ترتیبی ده اورین آلیش نی خواهله گن لیگی نی کورسه تیب بیردی" دییه قید ایتگن لیگی بیلدیریلماقده. 

روزنامه, آقسوی نینگ, لیبیا ده 2011 – ییل ده معما لرنینگ باشلب کیتگن لیگی نی بیلدیررایکن, اوشبو قیین چیلیک لر نینگ باشلب کیتیشی بوییچه اساسی مسئول نینگ فرانسه دن عبارت ایکن لیگی نی بیلدیرگن لیگی نی معلوم قیلماقده. 

صباح روزنامه سی, تورکیه جمهوریتی قوراللی کوچ لری قوماندانی جنرال یاشر گولر نینگ, تلفن آرقه لی, روسیه لیک تینگداشی جنرال والری گیراسیموف بیلن اوچره شگن لیگی نی بیلدیرماقده. 

خبرده, اوشبو اوچره شووده ادلب ده گی سونگگی ینگی لیک لر باره سیده بحث ایتیلگن لیگی معلوم قیلینماقده. 

حریت روزنامه سی, ایتالیا پایتختی روم ده, تورکیه جمهوریتی نینگ مهم فوتو ژورنالست لری دن بیری بولگن آره گولر نینگ عکس کورگزمه سی نینگ باشله گن لیگی گه دقت قره تماقده. 

خبرده, اوشبو کورگزمه نینگ 3 می گه قدر دوام ایته دیگن لیگی بیلدیریلماقده.